Staršynia praŭleńnia AAT «Priorbank» Siarhiej Kaściučenka padaryŭ 20 miljonaŭ rubloŭ usuryjskamu tyhru Arciomu, jaki žyvie ŭ Mahiloŭskim zaasadzie.
Na hetyja hrošy, vydatkavanyja bankiram z asabistaj kišeni, Arciomu buduć nabyvać charčavańnie. Viadoma, štodnia tyhr źjadaje 8 kiłahramaŭ śviežaj jałavičyny, a ŭ maroznyja dni jaho racyjon jašče pavialičvajecca. Za 20 padoranych miljonaŭ Arcioma buduć karmić bolšuju častku hoda, bo jaho poŭnaje hadavoje ŭtrymańnie kaštuje 31 miljon rubloŭ.
Pamočnik staršyni praŭleńnia «Priorbanka» Uładzimir Škindzieraŭ raskazaŭ, što dapamoha źviazana nie stolki z hodam Tyhra, kolki z asabistymi simpatyjami darylščyka, jaki naviedaŭ Mahiloŭski zaasad u listapadzie.
Siarhieju Kaściučenku Arciom padaŭsia zališnie, tak by mović, strojnym.
— Nie, my nie haładajem, — skazaŭ dyrektar Bujnickaha ahralesatechničnaha kaledža Hieorhij Malinoŭski. — Ale dapamoha žyviołam — heta suśvietnaja praktyka i pakazčyk maralnasci hramadstva ludziej.
Padarunak Siarhieja Kaściučenki — pieršy takoha kštałtu. Nichto nie daryŭ Mahiloŭskamu zaasadu hrošy, dy jašče takuju prystojnuju sumu. Hieorhij Malinoŭski spadziajecca, što ŭčynak bankira stanie pačatkam dobraj tradycyi.
Kamientary