Narmatyŭnyja akty ŭ aŭtorak, 5 studzienia, raźmieščanyja na aficyjnym pravavym internet‑partale.
Kiraŭnik Biełarusi Alaksandr Łukašenka padpisaŭ šerah zakonaŭ ab ratyfikacyi pahadnieńniaŭ u ramkach Mytnaha sajuza Biełarusi, Rasii i Kazachstana. Narmatyŭnyja akty ŭ aŭtorak, 5 studzienia, raźmieščanyja na aficyjnym pravavym internet‑partale.
Pahadnieńnie ab Mytnym sajuzie pamiž tryma dziaržavami ŭstupiła ŭ dziejańnie z 1 studzienia 2010 hoda.
U pryvatnaści, Łukašenka padpisaŭ zakony ab ratyfikacyi Pratakoła ab adzinaj sistemie taryfnych prefierencyj Mytnaha sajuza, pahadnieńnie ab paradku mytnaha afarmleńnia i mytnaha kantrolu ŭ dziaržavach‑udzielnicach Mytnaha sajuza, pahadnieńnie ab sakrataryjacie Kamisii sajuza, pahadnieńnie ab vidach mytnych pracedur i mytnych režymaŭ, pahadnieńnie ab paradku dekłaravańnia tavaraŭ.
Akramia taho, padpisany: zakon ab ratyfikacyi pahadnieńnia ab umovach i miechaniźmie prymianieńnia taryfnych kvot, zakony ab ratyfikacyi pratakoła ab pradastaŭleńni taryfnych lhot, pratakoł ab umovach i paradku prymianieńnia ŭ vyklučnych vypadkach stavak uvaznych mytnych pošlin, adroznych ad stavak Adzinaha mytnaha taryfu.
Taksama Łukašenka padpisaŭ zakony ab ratyfikacyi pahadnieńnia ab paradku delehavańnia mytnaha koštu tavaraŭ, što pieramiaščajucca praz mytnuju miažu Mytnaha sajuza, pahadnieńnia ab paradku ažyćciaŭleńnia kantrolu pravilnaści vyznačeńnia mytnaha koštu tavaraŭ, što pieramiaščajucca praz mytnuju miažu Mytnaha sajuza, pahadnieńnia ab paradku vyličeńnia i vypłaty mytnych płaciažoŭ u dziaržavach — udzielnicach sajuza, pahadnieńnia ab praviłach vyznačeńnia pachodžańnia tavaraŭ z krainaŭ, jakija raźvivajucca i najmienš raźvitych krain.
Akramia taho, kiraŭnik dziaržavy padpisaŭ zakon ab ratyfikacyi pratakoła pra abmien infarmacyjaj, nieabchodnaj dla vyznačeńnia i kantrolu mytnaha koštu tavaraŭ, pamiž mytnymi orhanami Biełarusi, Rasii i Kazachstana, i zakon pra ŭniasieńnie źmianieńniaŭ i dapaŭnieńniaŭ u niekatoryja zakony pa pytańniach pieramiaščeńnia asobnych vidaŭ tavaraŭ praz mytnuju miažu Biełarusi.
Kamientary