«U šmat kaho z palitykaŭ jość paluboŭnicy, jakich tyja palityki chavajuć, robiačy vyhlad, što pilnujucca manahamii. Ja ž liču za lepšaje być ščyrym».
Sto lat! Prezident Paŭdniova-Afrykanskaj respubliki Džejkab Zuma, ažaniŭsia ŭ piaty raz. Zuma ŭžo dvojčy razvodziŭsia i tamu razam vynikaje, što na dadzieny momant u hetaj krainie ažno try žančyny mohuć nasić tytuł pieršaj łedzi.
Blizu 2 tysiačaŭ haściej nakiravalisia siońnia ŭ pryvatny dom 68-hadovaha Džejkaba Zumy, kab pabačyć jahonuju šlubnuju cyrymoniju z 38-hadovaj Tubiekaj Mabhija. Maładyja ažanilisia ŭ tradycyjnym dla plemieni zułu abradzie. «Naša viasielle — heta šmat radaści i tancaŭ, a padčas śviatkavańnia režuć niekalki žyviołaŭ u jakaści achviary i ładziać vialikuju pačostku», — skazaŭ Majk Zuma, brat prezidenta.
Palihamija ŭ Paŭdniovaj Afrycy — u miežach zakonu, ale hetaja zaviadzionka znachodzić supraciŭ z boku niekatorych miedykaŭ, jakija ličać, što padobnaja zaviadzionka pavialičvaje šancy chapić ŚNID, a ŭ PAR pracent zaražanych ci nie samy vysoki ŭ śviecie. Da taho ž suprać šmatžonstva vystupaje maładoje pakaleńnie, jakoje ličyć, što padobny ład žyćcia nieprymalny dla sučasnaha hramadstva. Sam spadar prezident, jaki maje 19 šlubnych i pazašlubnych dziaciej, tak nie ličyć. «U šmat kaho z palitykaŭ jość paluboŭnicy i dzieci, jakich tyja palityki chavajuć, robiačy vyhlad, što pilnujucca manahamii. Ja ž liču za lepšaje być ščyrym. Ja lublu ŭsich svaich žonak i hanarusia ŭsimi svaimi dziećmi».
Kamientary