«Ja b usio addała, kab viarnucca ŭ toj dzień». Vynieśli prysud treniercy, padčas zaniatkaŭ u jakoj patanuła dzicia
Jakoje pakarańnie vynies sudździa.
13 listapada 2022 hoda ŭ Homielskim abłasnym kompleksnym centry alimpijskaha reziervu žančyna pravodziła płatnyja zaniatki pa płavańni z hrupaj małaletnich dziaciej, nahadvaje «Homielskaja praŭda».
Pavodle viersii dziaržabvinavačańnia, u vyniku nienaležnaha vykanańnia ŭskładzienych na treniera abaviazkaŭ pa biaśpiecy žyćcia i zdaroŭja dziaciej šaścihadovy chłopčyk zachłynuŭsia vadoj u basiejnie. Jaho dastavili ŭ balnicu z dyjahnazam «utapleńnie, terminalnaja koma». Praz 37 dzion, nie prychodziačy ŭ prytomnaść, dzicia pamierła.
U svaim apošnim słovie abvinavačanaja całkam raskajałasia i pryznała svaju vinu:
«Mnoj była dapuščana niedaravalnaja pamyłka, jakuju nielha zahładzić navat koštam usioj majoj papiaredniaj pracy i žyćcia. Mnie treba było bolš uvažliva pastavicca da svajho fizičnaha stanu, techniki biaśpieki ŭ basiejnie, uzroŭniu padrychtavanaści dziciaci. Treba było pryniać niejkija miery. Ja b usio addała, kab atrymać mahčymaść viarnucca ŭ toj dzień i ŭsio vypravić, ale, na žal, heta niemahčyma. Ja sapraŭdy raskajvajusia ŭ zroblenym, razumieju, što adbyłosia. Nichto z nas nie zastrachavany ni ad čaho ŭ hetym žyćci. Heta maja pamyłka, moj bol, jaki ja praniasu, jak i baćki małoha, praz usio astatniaje žyćcio. Bolš surovaha pakarańnia dla mianie ŭžo nie budzie».
Sud daŭ dva hady kałonii va ŭmovach pasialeńnia sa štrafam 100 bazavych vieličyń (na siońnia — 4000 rubloŭ) i z pazbaŭleńniem prava zajmać pasady, źviazanyja z harantavańniem biaśpieki žyćcia i zdaroŭja dziaciej terminam na piać hadoŭ.
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary