U Hrodnie zakryvajuć kramu-atelje ź interjeram tradycyjnaj biełaruskaj chaty
Pra chutkaje zakryćcio kramy-atelje «FieafaniJa» za try dni da hetaha paviedamiła ŭ instahramie jaje ŭładalnica, Śviatłana Antanovič, piša Hrodna.life.
U dopisie Śviatłana ŭspomniła, jak stvarała dla kramy-atelje instalacyju biełaruskaj viaskovaj chaty ź piečču. Pryčyny zakryćcia jana nie paviedamiła.
«Prašu, nijakich pytańniaŭ. Budziem rady, kali nas padtrymajecie. I tady naša krama, spadziajusia, praź niekatory čas znoŭ adčynić dźviery. Ale heta budzie inšaje…», — napisała jana.
Krama «Fieafanija» adkryłasia ŭ Hrodnie na vulicy Kirava, 3 letam 2022 hoda. Na adkryćci ładzili biełaruskija tradycyjnyja tancy. U kramie pradavalisia tkaniny, byŭ šyroki vybar ilnu, možna było nabyć hatovy abo zamović pašyŭ chatniaha tekstylu.
Akramia taho, tam ładzili sustrečy i majstar-kłasy, pryśviečanyja biełaruskim tradycyjam i ramiostvam, takim jak nabojka, malavanyja dyvany, biełaruskaja vyšyŭka i inšaje, možna było pafatahrafavacca ŭ interjery biełaruskaj chaty. U instahramie kramy raskazvali pra biełaruskija tradycyjnyja śviaty.
Da taho Śviatłana Antanovič u 2016 hodzie adkryła kramu-atelje «Jeŭdakija» na vulicy Pieramohi. Nazvała jaje pa imieni maci. U 2017 adkryła pašyŭny cech. U 2018 — jašče adnu kramu «Jeŭdakija» na Limoža. U 2019 adkryłasia vytvorčaść u Lidzie, u 2022 hodzie jaje zakryli.
SK raspavioŭ, u čym vinavacić kiraŭnictva pryvatnaj škoły «Smart Skuł», dzie chłopčyk streliŭ dziaŭčyncy humovym šarykam u voka
«Biełaruskija hledačy tak daŭno znachodziacca pad tonami rasijskaha kantentu, što nie razumiejuć, dzie rasijski, a dzie biełaruski paradak dnia»
«I tak i budzie, pakul budzie isnavać hety «biełaruski paradak». Lavon Volski pra zakryćcio vystavaŭ Bykava i Maleviča
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary