Treciaj linijaj minskaha mietro karystajecca mienš za 2% pasažyraŭ
Minski mietrapaliten u minułym hodzie pieravioz 233,9 młn pasažyraŭ — što na 8 młn bolš, čym hodam raniej. Pra heta na apieratyŭnaj naradzie ŭ Minharvykankamie paviedamiŭ dyrektar pradpryjemstva Uładzimir Sotnikaŭ, piša ahienctva «Minsk-Naviny».
Jak raskazaŭ kiraŭnik Minskaha mietrapalitena, z ahulnaj kolkaści pasažyraŭ 56,6% pieravieźli pa pieršaj linii, 41,6% — pa druhoj, i tolki 1,8% — pa treciaj.
Jon adznačyŭ, što «paśla padaŭžeńnia treciaj linii da stancyi «Słucki Haściniec» kolkaść pasažyraŭ na Zielenałužskaj vietcy značna ŭzraście.
Uładzimir Sotnikaŭ nazvaŭ i inšyja ličby. Ź jaho słoŭ, pracentnaja vaha mietrapalitena ŭ struktury pieravozak haradskim hramadskim transpartam ciapier składaje prykładna 37%.
Invientarny park mietrapalitena ciapier naličvaje 390 vahonaŭ, siaredni ŭzrost jakich składaje 20,9 hoda. Pry adkryćci novaha ŭčastka treciaj linii mietro budzie zakupleny dadatkovy ruchomy skład, novyja ciahniki zakupiać u Rasii.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary