Hramadstva33

Łukašenka prakamientavaŭ źliŭ pra vakcynu dla «Pieršaha»

Alaksandr Łukašenka 20 lutaha na naradzie pa biaśpiecy adreahavaŭ na infarmacyju kibierpartyzanaŭ pra toje, jak čynoŭniki padmanvali ludziej padčas kavidu, a dla Łukašenki i jaho siamji byli adpraŭlenyja pryščepki ad virusu. Pra padman ludziej Łukašenka ničoha nie adkazaŭ, ale abvierh, što pryvivaŭsia.

«Ja siońnia pračytaŭ absurdnuju reč: akazvajecca, u čas pandemii dla prezidenta Biełarusi byŭ sfarmavany niejki tam zapas vakcyn, — skazaŭ Łukašenka. — Ale ja ŭvohule nie vakcynavaŭsia. Ja nie vakcynavaŭsia, i maju pazicyju vy viedajecie ŭ suviazi z hetaj pandemijaj». Tym nie mienš taki infarmacyjny ŭkid byŭ zrobleny, pryčym sa spasyłkaj na niejkija razmovy miedykaŭ, jakija abmiarkoŭvali, dzie schavać vakcynu. «I na što spasyłajucca? Što kibierpartyzany abo Niechta tam uzłamali niejki akaŭnt, sajt abo siervier», — pakazaŭ abaznanaść Łukašenka. 

Jon dadaŭ, što pytańni, jakija datyčacca vakcyn abo daktaroŭ dla jaho asabista, nie ŭvachodziać u kampietencyju zvyčajnych miedykaŭ. 

«Jakija daktary buduć abmiarkoŭvać leki, vakcyny dla prezidenta? Načalnik słužby biaśpieki — adziny čałaviek, jaki moža viedać hetu infarmacyju. Ale jon upieršyniu čuje toje, ab čym ja skazaŭ», — arhumientavaŭ Łukašenka. 

«Jašče raz padkreślivaju: ja čałaviek, jaki nie vakcynavaŭsia», — dadaŭ jon.

Razmovy, jakija pakazvajuć, jak čynoŭniki padmanvali ludziej padčas kavidu, a dla Łukašenki i jaho siamji byli adpraŭleny pryščepki ad hetaha virusu, źlili kibierpartyzany. 

Adna sa źlitych razmoŭ — pamiž načalnicaj hałoŭnaha ŭpraŭleńnia achovy zdaroŭja Minharvykankama Natallaj Bajarskaj i hałoŭnym doktaram Minskaj abłasnoj dziciačaj balnicy Dźmitryjem Zajcavym.

U razmovie Bajarskaja kaža, što znajšła piać doz pieršaha i druhoha kampanientaŭ pryščepki z terminam prydatnaści da vieraśnia 2021 hoda.

«U čaćvier Matronkina z rajona pryviazie jaje vam. Zachoŭvajcie jaje jak zrenku voka. Heta budzie dla «Pieršaha» i achvotnych, moža być, siamji. Ale ŭ paniadziełak da vas pryjdzie Rumas».

Taksama ŭ rasśledavańni pryvodzicca frahmient razmovy, dzie čynoŭniki damaŭlajucca padmanvać ludziej. Ale heta Łukašenka nie prakamientavaŭ.

Čytajcie jašče:

U čarzie na pryščepku ad kavidu ŭ «Ekspabiele» staić sto čałaviek FOTA

Punkt vakcynacyi ad kavidu ŭ «Ekspabiele» — usio. Pryščepki bolš rabić nie buduć

Łukašenka zajaviŭ, što pierachvareŭ na amikron. Što jon rabiŭ apošnija dva tydni i što pavinien byŭ rabić

Namieśnica ministra achovy zdaroŭja admoviłasia adkazvać na pytańni žurnalistaŭ na bryfinhu

Kamientary3

  • Josik
    20.02.2024
    Kab nie było praŭdaj, maŭčaŭ by. Chłus
  • Charoš zalivať
    20.02.2024
    Kto tiebie povierit? Ty žie pamiatnik!
  • Janka
    21.02.2024
    iźviestnaja istorija, kak Łukašienko provieriał rośsijskuju podiełku na Massandrie, pośle čieho ta oťjechała na bolničnyj. 
    v Kanadie bustier nakatiło tolko 2.6% nasielenija, i tolko hienii iz oppozicii v Varšavie i Vilnie do sich por uvierieny, čto eto supier dla zdorovja.

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Usie naviny →
Usie naviny

Stała viadoma, kudy ŭładkavaŭsia były hiendyrektar MTS Uładzisłaŭ Andrejčanka6

Straty rasijskaj armii ŭ 2024-m značna vyraśli. Pamiraje 200-250 bajcoŭ za dzień14

U Bajdena dyjahnastavali karanavirus1

788 ukrainskich vajskoŭcaŭ źnikli bieź viestak u bajach za siało Krynki Chiersonskaj vobłaści5

Ułady ZŠA abvinavacili nieanacysta z Hruzii ŭ padrychtoŭcy masavaha atručvańnia dziaciej u Ńju-Jorku5

Kruty vykazaŭ spačuvańni rodnym zahinułych padčas urahanu. Ale nie Łukašenka5

Vysokaintensiŭnyja fizičnyja nahruzki ŭ staraści palapšajuć pamiać

U Śviatłany Cichanoŭskaj mianiajecca daradca pa pravavych pytańniach24

Łatuška zaklikaŭ žurnalistaŭ i pravaabaroncaŭ ź Jeŭropy skarystacca ź biaźvizu8

bolš čytanych navin
bolš łajkanych navin

Zaleva ŭ Minsku, vierahodna, była najmacniejšaj za ŭsiu historyju nazirańniaŭ3

Zaleva ŭ Minsku, vierahodna, była najmacniejšaj za ŭsiu historyju nazirańniaŭ

Hałoŭnaje
Usie naviny →