Tolki 4% biełarusaŭ za poŭny ŭvachod u Rasiju, 54% bajacca dalejšaha paharšeńnia adnosin z Zachadam — novaje apytańnie
Mižnarodny ekśpiertny centr iSANS pradstaviŭ u Varšavie vyniki daśledavańnia hramadskaj dumki ŭ Biełarusi. Apytańnie pravodziłasia z dapamohaj internet-intervju (CAWI), piša Reform.by.
Zdymak ilustracyjny
Apytańnie pravodziłasia jak siarod aŭdytoryi, jakaja łajalna stavicca da niezaležnych miedyja, tak i siarod prychilnikaŭ dziaržaŭnych ŚMI. U adkazach na mnohija pytańni adlustroŭvajecca, jak na ich adkazvali roznyja hrupy.
Pavodle asnoŭnych vynikaŭ daśledavańnia:
- 30% respandentaŭ adkazali, što aryjentavacca treba na Rasiju, 15% — na Jeŭropu, 7% — na Kitaj, 2% — na Złučanyja Štaty Amieryki. Samaja vialikaja hrupa — 43% ličyć, što ni na kaho nie varta aryjentavacca, treba pravodzić samastojnuju palityku.
- 58% respandentaŭ ličać, što adnosiny pamiž Biełaruśsiu i Rasijaj pavinny budavacca jak adnosiny niezaležnych dziaržaŭ na padstavie mižnarodnych damoŭ, tolki 4% za poŭny ŭvachod Biełarusi ŭ Rasiju;
- 54% respandentaŭ bajacca dalejšaha paharšeńnia adnosin z krainami Zachadu, 37% ličać, što treba pašyryć ekanamičnaje supracoŭnictva z krainami ES;
- 11% vystupajuć suprać adnosin z krainami Jeŭrasajuza, 9% — za toje, kab Biełaruś uvajšła ŭ jaho skład;
- 76% ličać, što ES varta spraścić vizavyja barjery dla biełarusaŭ, a taksama adnavić čyhunačnyja i pavietranyja znosiny pamiž Biełaruśsiu i ES. Taksama 73% vystupajuć za pasłableńnie sankcyj;
- 36% nie padtrymlivajuć vajnu suprać Ukrainy, 30% padtrymlivajuć ci chutčej padtrymlivajuć, 34% nie zmahli adkazać;
- 64% admoŭna staviacca da mahčymaha raźmiaščeńnia taktyčnaj jadziernaj zbroi ŭ Biełarusi;
- 41% respandentaŭ aceńvajuć biahučuju ekanamičnuju situacyju ŭ Biełarusi jak siaredniuju, a jašče 32% skazali, što jana drennaja (vielmi drennaja).
- 65% skazali, što płanaŭ pakinuć Biełaruś u ich niama, a 24% paviedamili, što ŭžo dumajuć pra emihracyju.
Čamu kiraŭnikom svajoj Administracyi Łukašenka pastaviŭ Dźmitryja Krutoha? Jon moža stać pierajemnikam?7
Kamientary