Niezvyčajnaja historyja ŭ Barsiełonie: kvateru bratoŭ-biełarusaŭ zachapili skvotary

Braty Siarhiej i Aleh žyvuć u Barsiełonie z 2015 hoda. Jany vałodajuć dźviuma kvaterami ŭ adnym i tym ža šmatkvaternym domie ŭ haradskim rajonie El Raval. Adnu ź ich, Alehavu, 31 śniežnia 2023 hoda zaniali skvotary. Tak nazyvajuć ludziej, jakija niezakonna zasialajucca ŭ čužoje žyllo i admaŭlajucca jaho pakidać, piša «Biełaruś i śviet».

Skvotynh — źjava niaredkaja dla Ispanii. Reč u tym, što pa miascovych zakonach hramadzianie, jakija zaniali čužoje žyllo na pieryjad bolš za 48 hadzin i jakija nie majuć inšaj narmalnaj žyłpłoščy, nie mohuć być vyhnanyja adtul biez pastanovy suda. A sam sudovy praces moža zaciahnucca na šmat miesiacaŭ i zapatrabavać značnych vydatkaŭ.

Asabliva raspaŭsiudžanyja takija razbory ŭ śfiery zdačy/zdymu kvater, kali žychar paśla zakančeńnia terminu damovy ab arendzie nie vyzvalaje płošču.

@nashaniva Kvateru biełarusaŭ za dvoje sutak zachapili ispancy. Jak takoje moža być? #biełaruś #našaniva #biełaruśnovosti #novostibiełarusi #ispanskij #biełaruskityktok ♬ Paris - 3Hzwave

Tym nie mienš, Siarhiej i Aleh śćviardžajuć, što nikoli raniej nie bačyli ludziej, jakija pasialilisia ŭ ich kvatery, nie kažučy ŭžo pra niejkija damovy.

Zrazumieŭšy, što žyllo zachoplenaje, biełarusy patelefanavali ŭ palicyju. Tady skvotary paabiacali, što zaŭtra pakinuć kvateru. Adnak nazaŭtra, pa słovach našych suajčyńnikaŭ, «zachopniki» atakavali ich na leśvičnaj kletcy, uzbroiŭšysia nažami. Dla Aleha heta skončyłasia nievialikim parezam na ščace i złamanym nosam.

Pa słovach bratoŭ, pravaachoŭniki paraili im źviarnucca ŭ palicejski ŭčastak i padać adpaviednuju zajavu. A tym časam niaprošanyja žychary ŭžo paśpieli zamianić uvachodnyja dźviery ŭ žyllo dźviaryma vannaha pakoja, tamu klučy sapraŭdnych uładalnikaŭ majomaści stali niadziejnymi.

Praz tydzień, 15 studzienia, našy suajčyńniki, jakija pražyvali ŭvieś hety čas u Siarhieja, złavili momant, kali skvotary adłučylisia, i viarnuli kantrol nad kvateraj, u svaju čarhu taksama pamianiaŭšy zamok.

Adnak nieŭzabavie, jak apaviadajuć braty, pryjechali vartavyja paradku, jakija ŭvajšli ŭ žyllo i, niahledziačy na zapeŭnivańni našych suajčyńnikaŭ, što jany źjaŭlajucca ŭłaśnikami, na što majucca ŭsie dakumienty, zatrymali ich. «Zachopnikam» ža dapamahli viarnucca nazad u kvateru.

Biełarusaŭ aryštavali za «ŭvachod u pamiaškańnie paciarpiełych bieź ich zhody, pahrozy paciarpiełym, źmienu zamkaŭ i naniasieńnie škody», a taksama za «ŭziaćcie pravasudździa ŭ svaje ruki». Adnamu sa skvotaraŭ nibyta była naniesienaja lohkaja traŭma małatkom — abvinavačvańnie, jakoje Aleh i Siarhiej asprečvajuć.

Taksama žurnalistam rastłumačyli, što ŭ dadzienym vypadku patrulu naohuł było nie važna, chto mienavita ŭłaśnik žylla: vyśviatlać heta — sprava sudu, a nie palicyi.

Braty prabyli za kratami dva dni, paśla čaho viarnulisia ŭ kvateru Siarhieja.

Čym skončycca historyja ź ich zatrymańniem, pakul niezrazumieła.

Pišuć, što im moža pahražać turma. Tym časam «zachopniki» ŭžo amal dva miesiacy praciahvajuć zastavacca ŭ apartamientach Aleha.

I, jak kažuć biełarusy, lubyja sproby viarnuć płošču nie ŭviančalisia pośpiecham — pa ich śćviardžeńni, skvotary pahražajuć nažami, a šmatlikija zvanki pa ekstrannym numary nie pryviali da aryštu nivodnaha ź niaprošanych žycharoŭ.

• 5
• 0
• 12
• 49
• 16
• 4
• 94
• 0