Bojka ŭ čarzie ŭ minskaj kramie skončyłasia kryminałkaj. Prysud vas ździvić
Chulihanskaja vychadka ŭ punkcie vydačy interniet-kramy W. pryviała da kryminalnaj spravy. Sud vyvučyŭ materyjały i vynies vielmi humanny prysud.
Prysud byŭ apublikavany ŭ Banku sudovych rašeńniaŭ.
Biespracoŭny Ja. (budziem nazyvać jaho Jaŭhien), pabiŭ u čarzie ŭ punkcie vydačy zamovaŭ internet-kramy W. (najchutčej, «Vajłdbieryz», ale paćvierdžańnia niama — «NN») u Minsku inšaha mužčynu A (nazaviem jaho Alaksiej).
Jaŭhien pryjšoŭ u punkt vydačy z sužycielkaj. Pakul jana zabirała pakiety, jon stajaŭ u tambury. Tam ža kala dźviarej čakaŭ čarhu i Alaksiej. Mužčyny nie byli znajomyja, i nijakich kanfliktaŭ nie mieli.
Tym nie mienš Jaŭhien, prachodziačy mima Alaksieja, biez pryčyny šturchanuŭ jaho plačom, a paśla jašče i nanios udar hałavoj. U Alaksieja pajšła kroŭ z nosa.
Jon dastaŭ mabilnik, staŭ zdymać kryŭdziciela na videa i vyklikaŭ milicyju.
Vynikam napadu staŭ krovapadciok śpinki nosu Alaksieja. Jaŭhien prynios prabačeńni paciarpiełamu i raskajaŭsia.
Siłaviki zaviali kryminalnuju spravu za chulihanstva — častka 1 artykuła 339 Kryminalnaha kodeksa.
Sud uličyŭ, što Jaŭhien raniej nie pryciahvaŭsia da kryminalnaj adkaznaści i maje na ŭtrymańni dvuch dziaciej.
U vyniku abvinavačanamu Jaŭhienu prysudzili 240 hadzin hramadskich rabot. Ź jaho taksama spahoniać 22 kapiejki na kampiensacyju vydatkaŭ sudovaj ekśpiertyzy.
Čytajcie jašče:
U Homieli vynieśli prysud mužčynu, jaki parezaŭ nažom ciažarnuju siabroŭku
Žurnalistaŭ telekanała «Biełsat» asudzili za «chulihanstva». Jany rabili apytańnie žycharoŭ Minska
Aršanskuju piensijanierku ź invalidnaściu asudzili da kałonii za kamientar u «Adnakłaśnikach»
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary