«Žanočaja aŭdytoryja zmachnie skupuju ślazu». U Teatry junaha hledača, jakim kiruje Viera Palakova-Makiej, upieršyniu pastavili śpiektakl 18+

— Heta nie tolki pieršy dośvied uzajemadziejańnia z TIUHam, ale i moj pieršy pryjezd u Biełaruś. Ja zakachaŭsia ŭ Minsk, mnie tut vielmi dobra, — pryznaŭsia maskoŭski režysior-pastanoŭščyk A.Nieścieraŭ. — Liču, što vyciahnuŭ ščaślivy bilet, bo Viera Palakova-Makiej stvorana dla hałoŭnaj roli (dyrektara ZAHSa).

Dyrektarka teatra, zasłužanaja artystka Biełarusi Viera Palakova-Makiej adznačyła, što za dva minułyja hady heta pieršaja premjera kamiedyi, pastaŭlenaja ŭ TIUHu, i pieršy śpiektakl katehoryi 18+.

— My raściem razam z našym hledačom. Bačym patrebu ŭ takich śpiektaklach. U finale, spadziajusia, asabliva žanočaja aŭdytoryja zmachnie skupuju ślazu. Dla mianie vielmi pryjemna, što kamiedyja padymaje prablemy mam i dziaciej, — raspaviała V.Palakova-Makiej. — Ja haduju dvuch synoŭ i razumieju pačućci svajoj hieraini, kali ty pavinna addać dzicia, jakoje ty hadavała, inšaj, u dadzienym vypadku dobraj žančynie. Naš śpiektakl dobry, ščyry, sapraŭdny. Kožny z čatyroch piersanažaŭ na scenie zasłuhoŭvaje lubovi hledačoŭ, uvahi, spahady.

Stvaralniki śpiektakla ŭpeŭnienyja, što 36 i 6 — heta bolš čym narmalnaja tempieratura cieła, heta — hradus kachańnia. A ZAHS — miesca, dzie nie tolki prachodziać viasielli, ale i vydajucca paśviedčańni ab śmierci. Tam niby stanovicca prykmietnaj miaža pamiž žyćciom i śmierciu.

Pa siužecie mama, dyrektar ZAHSa, haduje idealnaha syna, jaki, jak jana dumaje, nie pje, nie palić, nie maciukajecca. Žančyna aharodžvaje jaho ad «niecharošych» niaviest. Ale adnojčy jaje śviet pierakulvajecca z noh na hałavu. Da jaje prychodzić 41-hadovaja žančyna, jakaja zaklučyła ŭ Anhlii šlub sama z saboj, a ciapier choča aformić razvod, kab vyjści zamuž za kachanaha mužčynu. Niečakana vyśviatlajecca, što dyrektarka ZAHSa i jość maci jaje kachanaha, jakaja zusim nie haryć žadańniem bačyć u domie takuju niaviestku i addavać kachanaha i adzinaha syna va ŭzroście 36 hadoŭ i 6 miesiacaŭ inšaj žančynie.

Śpiektakl idzie ŭ supravadžeńni muzykantaŭ Prezidenckaha arkiestra (muzyčny kiraŭnik arkiestra — Vital Kulbakoŭ). Hledačy pačuli muzyku Mocarta, Miendelsona, Bakieryni, Pjacoły. 

• 1
• 0
• 6
• 18
• 0
• 1
• 1
• 0