«Adkryŭ ahoń pa supracoŭnikach śpiecsłužbaŭ». FSB ahučyła svaju viersiju zabojstva Mikałaja Alaksiejeva
Pavodle zajavy FSB, u Karelii byŭ «praduchileny terakt». «Hramadzianin Biełarusi z nacyjanalistyčnaha «pałka imia Kastusia Kalinoŭskaha» płanavaŭ padarvać administracyjny budynak u Ałancy», pieradaje RIA Novosti zajavu pres-słužby viedamstva.
Mužčyna, pa infarmacyi rasijskich siłavikoŭ, pry zatrymańni adkryŭ ahoń pa supracoŭnikach śpiecsłužbaŭ i byŭ zabity.
«Siarod pradstaŭnikoŭ orhanaŭ biaśpieki i hramadzianskaha nasielnictva paciarpiełych niama», — paviedamlaje FSB.
U zabitaha Mikałajeva nibyta była kanfiskavanaja bomba, «vyrablenaja na asnovie vybuchovaha rečyva brytanskaj vytvorčaści i amierykanskaha detanatara, a taksama pistalet i patrony».
Taksama FSB apublikavała videa «niejtralizacyi» Mikałaja Alaksiejeva. Padziei adbyvajucca ŭ niejkim napaŭrazvalenym składzie.
Pavodle infarmacyi rasijskich siłavikoŭ, napiaredadni Alaksiejeva vysačyli kala susiedniaj vioski, dzie jon chavaŭ vybuchoŭku. A kali jaho pryjšli aryštoŭvać, akazaŭ supraciŭ i byŭ zabity.
Pavodle rasijskaha kanała SHOT, u Biełarusi ŭ vieraśni 2022 hoda Alaksiejeŭ byŭ abvieščany ŭ vyšuk — u dačynieńni da jaho raspačali kryminalnuju spravu pa artykule 368 KK za abrazu Łukašenki. Z sakavika mužčyna znachodziŭsia ŭ Rasii.
Rasijskija prapahandysty śćviardžajuć, što Alaksiejeŭ nibyta atrymaŭ zadańnie (ci to ad SBU, ci to ad USU — dajuć roznyja varianty) zakłaści vybuchoŭku ŭ budynku administracyi Ałanieckaha rajona.
Siońnia stała viadoma, što 6 sakavika ŭ Ałanieckim rajonie Respubliki Karelija FSB zabiła 49-hadovaha Mikałaja Alaksiejeva.
Alaksiejeŭ — aktyvist ź Biełarusi, udzielnik pratestaŭ 2020 hoda.
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»28
Kamientary
Navošta kalinoŭcam dyviersija ŭ administracyi nikomu nie viadomaha rasiejskaha Mucha@@@@@sku, kali isnujuć našmat bolš značnyja celi vajennaha pryznačeńnia?