Historyja66

Dzie i kali ŭ Biełarusi była «ščaślivaja žyzń»

Na Viciebščynie isnuje miaścina, los jakoj adnačasova pavučalny i aniekdatyčny. 

Uročyšča. Fota: blukach.by

Kaliści ŭ hłuchich bałocistych lasach Lepielščyny, što na poŭdzień ad rajcentra, znachodziłasia vioska Karsaŭščyna, abo Karsaščyna, Krasaščyna — navat sami žychary nie mahli dakładna skazać, jak pravilna. 

Biełaruski movaznaviec Alaksandr Rohaleŭ u takich nazvach jak Karsaščyna, Kuršynavičy, Kuršy i Kurčy bačyŭ mierkavanuju suviaź sa staražytnabałckim etnonimam korś (kurony, kuršy). Praŭda, žyli jany davoli daloka ad hetych miaścin — na ŭźbiarežžy Bałtyjskaha mora.

Ale ŭ 1930-ja hady hetaja nazva čymści nie zadavoliła partyjnaje kiraŭnictva rajona. Čym tłumačyli źmienu nazvy, niemiłahučnaściu ci ideałahičnaj nieadpaviednaściu, nieviadoma, ale, jak śviedčyć ałfavitny pakazalnik pierajmienavańniaŭ da «Karotkaha tapanimičnaha słoŭnika Biełarusi» Žučkieviča, u 1939 hodzie vioska atrymała novuju nazvu — «Sčastlivaja Žizń». Adpaviedna na biełaruskuju pieradavali nie pramym pierakładam, a transkrypcyjaj jak Ščaślivaja Žyzń.

U toj hod pierajmienavali 11 pasieliščaŭ u rajonie. Tak, jaŭna šlachieckaje Aŭhustava stała Źviazdoj, Klimoncava — Kastryčnikam, Ivan-Bor — Čyrvonym Kastryčnikam, a jašče adnoj Žyźniu, praŭda, nie Ščaślivaj, ale Svabodnaj, stała Zabielina.

Karsaŭščyna na davajennaj karcie RSČA

Ale, vidać, pieradvajennyja pierajmienavańni nie dali ŭsim novym nazvam tryvała zamacavacca ŭ hałovach i na papiery. Karsaŭščyna sparadyčna źjaŭlajecca na praciahu ŭsiaho XX stahodździa. 

Na 500-mietrovaj karcie RSČA, jakija vydavalisia až da samaha pačatku vajny, jašče Karsaŭščyna ŭ atačeńni chutaroŭ Vasłavava, Kazimiravy, Doŭhaja Łuža, Schieda — ad hetych pasieliščaŭ historyja nie pakinuła nijakich śladoŭ. 

Praz 20 hadoŭ, u lipieni 1961 hoda viosku pad nazvaj Karsaŭščyna pieradali z Krasnałuckaha ŭ Vałosavicki sielsaviet Lepielskaha rajona.

U «Słoŭniku nazvaŭ nasielenych punktaŭ Viciebskaj vobłaści» Jaŭhiena Rapanoviča, vydadzienym u 1977 hodzie, prysutničaje i Krasaščyna, i Ščaślivaja Žyzń — abiedźvie ŭ saŭhasie «Vałosavičy» Lepielskaha rajona.

Ščaślivaja Žyzń na karcie Hienštaba

Na karcie-kiłamietroŭcy Hienštaba, vydadzienaj u 1979 hodzie, paznačana «Sčastlivaja Žizń». Hetaja nazva fihuruje i na sučasnych kartach 1990-ch hadoŭ, praŭda, užo jak lasnoje ŭročyšča.

Vyjaviłasia, što žyćcio ŭ Ščaślivym Žyćci było nie takim užo i ščaślivym, jak dekłaravała nadumanaja savieckaja nazva. Žyćcio akazałasia nadzvyčaj ciažkim. Mabyć, savieckija kiraŭniki nie viedali, što dla ščaścia ludziam adnoj ideałohii niedastatkova.

«Kinuła vučobu viasnoj. Usio praź nievynosnaje žyćcio ŭ Ščaślivym Žyćci. Dumała, što horš nie byvaje», — tak pryhadvali pra Ščaślivaje Žyćcio byłyja viaskoŭcy. 

Žychary — chto vyjazdžaŭ ź lasnoj vioski, chto pamiraŭ ad staraści. Škołu zakryli, a jaje budynak pieravieźli ŭ susiedniuju viosku. U 1970 hodzie ŭžo zastavałasia zusim mała ludziej. A paśla, u kancy 1980-ch hadoŭ, vioska raptam źnikła. 

Ščaślivaje Žyćcio na karcie 1990-ch hadoŭ

Praŭda, raźvitacca ź joj aficyjna doŭha nie navažvalisia. Jaje paśpieli ŭnieści ŭ 1999 hodzie ŭ pieršuju kampjutarnuju bazu danych nasielenych punktaŭ Biełarusi, prysvoiŭšy ŭnikalny kod SOATO 2227804126.

U śpisie nasielenych punktaŭ, jaki da stvareńnia Adzinaha rejestra administracyjna-terytaryjalnych i terytaryjalnych adzinak Respubliki Biełaruś vykonvaŭ funkcyju dziaržaŭnaha ŭliku nasielenych punktaŭ, kala nazvy pasielišča majecca rukapisnaja pamietka: «upr. r. 84 — 22.12.01 h.». 

Takim čynam, vioski aficyjna nie stała 22 śniežnia 2001 hoda. Tady i skončyłasia historyja Ščaślivaha Žyćcia na Biełarusi.

Ad Ščaślivaha Žyćcia siońnia nie zastałosia nivodnaha śledu

«Naša Niva» — bastyjon biełaruščyny

PADTRYMAĆ

Kamientary6

  • CV
    14.03.2024
    Asia K, chutčej u razvał i dehradacyju ŭsich śfier byćcia
  • Ivan sialanski syn
    14.03.2024
    Jak vam nazva vioski Politotdielec? Na čašnikaŭščynie tam niepadalok
  • Vołat
    14.03.2024
    Ivan sialanski syn, aby nie Omonoviec  

KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5

KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy

Usie naviny →
Usie naviny

«Z 1 kastryčnika nichto pracavać nie budzie». U Biełarusi začyniajucca pryvatnyja damy sastarełych9

Paśla avaryi na vadavodzie ŭ Minsku pahoršała jakaść vady

Na litoŭskaj miažy źjavilisia čerhi ź lehkavych aŭto

Paškodžany vadavod u Minsku adramantavali. Ale prablemy ź jakaściu vady pakul zastajucca

Siońnia toj samy dzień, kali biełarusam nastojliva nie rekamiendavałasia chadzić u les4

Tramp anansavaŭ sustreču ź Zialenskim u «Viežy Trampa»5

«Vajavaŭ ja za Biełaruś i vieru ŭ jaje ščaślivuju budučyniu». 100-hodździe śviatkuje prafiesar-miedyk Ivan Daniłaŭ, sapraŭdny vieteran13

Sud u Polščy asudziŭ biełarusa na dva hady za špijanaž na karyść Rasii12

Što prapanavać Łukašenku za palitviaźniaŭ? Sprečka Stryžaka z Chomič28

bolš čytanych navin
bolš łajkanych navin

KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy5

KDB aktyŭna viarbuje palitviaźniaŭ, vyzvalenych pa pamiłavańni — pravaabaroncy

Hałoŭnaje
Usie naviny →