Ruch na adnoj z vulic u centry Minska pierakryjuć amal na dva miesiacy
Źviazana heta z «pahrozaj biaśpieki darožnaha ruchu, uklučajučy žyćcio i zdaroŭje hramadzian».
Ruch usich vidaŭ transpartu budzie abmiežavany na peŭnym učastku vulicy Rozy Luksiemburh, heta praduhledžana rašeńniem Minharvykankama №937 ad 7 sakavika, jakoje ŭ sieradu aficyjna apublikavana na Nacyjanalnym pravavym internet-partale.
Časovaje abmiežavańnie ruchu transpartnych srodkaŭ i aŭtamabilaŭ uvodzicca pa vulicy Rozy Luksiemburh ad žyłoha doma №158 da doma №161 z 00:00 25 sakavika da 00:00 20 maja. Heta značyć ruch na hetym učastku budzie pierakryty amal na dva miesiacy.
Taksama z 25 sakavika buduć admienienyja čatyry aŭtobusnyja maršruty — №182s «DS Kamiennaja Horka-5 — DS Sucharava-5», №188c «Brylevičy — Škoła №188», №192 «Pieršamajskaja — himnazija №41» i №196s «DS Malinaŭka-4 — zavułak Sofji Kavaleŭskaj».
Kursiravać hetyja aŭtobusy nie buduć amal tydzień — da 30 sakavika. Heta źviazana ź viasnovymi kanikułami ŭ školnikaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary