U Biełarusi vypuściać kurtku z padahrevam. Zdavałasia b, pryčym tut paŭerbank
Navinku anansavaŭ Biellehpram. Paviedamlajecca, što kurtka budzie kaštavać nie daražej za 200 rubloŭ.
U Biełarusi na masavy adšyŭ adpravili madel kurtki z padahrevam, paviedamlaje pres-słužba «Biellehprama». Vierchniaje adzieńnie vypuskaje AAT «Słavianka». U prodaž technałahičnaja kurtka pastupić da vosieni.
Aryjentyrovačny košt navinki ahučyli ŭ miežach 200 rubloŭ.
Pakupnikam navamodnaha adzieńnia spatrebicca paŭerbank. Dla jaho vytvorca praduhledzieŭ dadatkovuju bakavuju kišeniu, kab vyzvalić dva standartnyja ad «elektryčnaj skrynki».
Kantralavać padaču ciapła možna adnoj kłavišaj z tryma režymami: zialony — nahreŭ u miežach 25-35°C, sini — da 45°C, čyrvony — adrazu da 55°C. Patrebnaj tempieratury adzieńnie dasiahnie za 30 siekund.
Paviedamlajecca, što ŭ padšyŭcy vykarystoŭvajecca drapien, jaki dobra pravodzić tok i nie dapuskaje strat ciapła.
Kupić adzieńnie z padahrevam možna budzie ŭ firmiennych mahazinach sietki. Adznačajecca, što zaraz navinku nosiać supracoŭniki DAI, a ŭ budučyni jaje pastaviać i za miažu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary