«Ja viedaju ŭsiu situacyju». Najlepšaja siabroŭka Sabalenki zajaviła, što viedaje abstaviny trahiedyi z Kalcovym u Majami
Niahledziačy na trahiedyju z Kanstancinam Kalcovym Aryna vyrašyła ŭdzielničać u pradstaŭničym turniry ŭ Majami. U noč na piatnicu jana voźmie start z druhoha raŭndu. Pryčym jaje supiernicaj budzie najlepšaja siabroŭka, ispanka Paŭła Badosa.
Mienavita Paŭła dapamahła Kanstancinu Kalcovu zładzić siurpryz ź niečakanym źjaŭleńniem pierad Arynaj u Dubai. U śniežni 2022 hoda, skarystaŭšysia pierapynkam u čempijanacie KCHŁ, tady jašče trenier ufimskaha «Sałavata Jułajeva» prylacieŭ da svajoj kachanaj, piša «Kamsamołka».
I voś ciapier, paśla trahičnaj hibieli Kalcova, Badosa pavinna vyjści na matč suprać Sabalenki. Žurnalisty spytali ŭ Paŭły na pres-kanfierencyi, ci była ŭ jaje mahčymaść pahavaryć z Arynaj? Badosa adznačyła adrazu ž, što nie chacieła b abmiarkoŭvać hetuju temu, ale dadała:
— Učora ja šmat ź joj razmaŭlała. I siońnia ranicaj taksama. Tak što ja viedaju, praz što jana prachodzić. Ja viedaju ŭsiu situacyju, što adbyvajecca. Mianie heta krychu šakuje, bo jana maja najlepšaja siabroŭka, i ja nie chaču, kab jana pakutavała. Heta vielmi ciažkaja situacyja. Da taho ž hulać suprać jaje jašče i niazručna. Ja nie chaču heta abmiarkoŭvać. Jana maja najlepšaja siabroŭka, i ja abiacała joj heta.
Toje, što adbyłosia ŭ Majami, abmiarkoŭvałasia nie tolki paśla matču Badosy. Žurnalisty cikavilisia i mierkavańniem eks-pieršaj rakietki śvietu datčanki Karalin Vaźniacki.
Karalin zaŭvažyła, što jana nie moža ŭjavić, što ciapier adčuvaje Aryna:
— Ja kažu heta i chaču płakać. Heta takaja žudasnaja situacyja. Ja źviarnułasia da jaje i skazała, što budu pobač, kali joj što-niebudź spatrebicca. Ja lublu Arynu, jana vydatny čałaviek. Jana zaŭsiody takaja ščaślivaja i adkrytaja. Bačyć, jak jana prachodzić praz heta — žachliva. Ja navat nie mahu ŭjavić, što jana ciapier pieražyvaje. Kožny smutkuje pa-svojmu. Kali jana siońnia prachodziła mima, ja dała joj prastoru. Ale dała zrazumieć, što ja pobač. Ja i ŭsie my hatovyja joj dapamahčy.
Vylecieła ŭ nieviadomym kirunku śpikierka KR Anžalika Mielnikava30
Kamientary