Były ŭładalnik soniečnaj elektrastancyi ŭ Mahiloŭskaj vobłaści padaŭ pazoŭ suprać Łukašenki i nie tolki
Pazoŭ padadzieny taksama suprać premjer-ministra, ministraŭ zamiežnych spraŭ, justycyi, ekanomiki, enierhietyki i staršyni Dziaržkammajomaści.
Hramadzianin Vialikabrytanii Kiabad Tutanian Mašad vykanaŭ svaju pahrozu padać pazoŭ suprać Biełarusi, śćviardžajučy, što dziaržava eksprapryjavała prajekt soniečnaj elektrastancyi paśla admieny lhot pa adnaŭlalnych krynicach enierhii. Pazoŭ zarehistravany ŭ Mižnarodnym centry pa ŭrehulavańni inviestycyjnych sprečak 19 sakavika, piša Reform.by.
Adkazčykam vystupaje Respublika Biełaruś, a taksama Łukašenka, premjer-ministr, ministry zamiežnych spraŭ, justycyi, ekanomiki, enierhietyki i staršynia Dziaržkammajomaści.
Brytanskaha inviestara budzie pradstaŭlać Princeton Partners LLC, Dubai, UAE.
U jakaści padstavy dla padačy pazovu ŭkazana pahadnieńnie Vialikabrytanii i Biełarusi ab sadziejničańni ažyćciaŭleńniu i abaronie inviestycyj.
Letam minułaha hoda inviestar elektrastancyi ŭ Čerykaŭskim rajonie prapanoŭvaŭ uradu Biełarusi pačać mirnyja pieramovy i davaŭ try miesiacy na abdumvańnie. Jon patrabavaŭ kampiensacyju, roŭnuju poŭnamu rynkavamu koštu jaho inviestycyj, jakaja aceńvajecca ŭ sotni miljonaŭ dalaraŭ ZŠA.
Biełaruskija ŭłady na pieramovy ź biznesoŭcam nie pajšli, kanfiskavali elektrastancyju i vystavili jaje na aŭkcyjon u sakaviku 2024 hoda sa startavym koštam 79 751 000 rubloŭ (blizu 25 młn dalaraŭ). Aŭkcyjon nie adbyŭsia, bo nichto nie rašyŭsia kupić pradpryjemstva.
***
Mižnarodny centr pa ŭrehulavańni inviestycyjnych sprečak (ICSID — International Centre for Settlement of Investment Disputes) — adna z aŭtanomnych mižnarodnych ustanoŭ, jakaja, razam ź Mižnarodnaj finansavaj karparacyjaj i šmatbakovym ahienctvam pa inviestycyjnych harantyjach i samim Suśvietnym bankam uvachodzić u hrupu arhanizacyj Suśvietnaha banka, jakaja źjaŭlajecca śpiecyjalizavanaj ustanovaj AAN.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary
Pozdno piť Boržomi! Sam siebie złobnyj Buratino. K słovu, otdavať v słučaje čieho vsio-ravno KAŽDYJ biełorus budiet, a nie Łuka lično.