Jak buduć prachodzić sumoŭi dla pastupleńnia ŭ VNU biez ekzamienaŭ
Paradak praviadzieńnia sumoŭja z vypusknikami profilnych kłasaŭ zaćvierdziła Ministerstva adukacyi.
Adpaviednaja pastanova № 17 ad 2 lutaha 2024 hoda apublikavana na Nacyjanalnym pravavym internet-partale.
Pastanovaj zaćvierdžany paradak praviadzieńnia hutarak z abituryjentami, jakija pastupajuć u VNU biez ustupnych ekzamienaŭ. U tym liku ŭ adpaviednaści z Dahavoram ab metavaj padrychtoŭcy.
Pavodle dakumienta, sumoŭje budzie pravodzicca dla «vyjaŭleńnia asobasnych, dziełavych jakaściaŭ, zdolnaściaŭ i matyvacyi abituryjentaŭ da atrymańnia adukacyi pa adpaviednych śpiecyjalnaściach ahulnaj vyšejšaj i śpiecyjalnaj vyšejšaj adukacyi».
U abituryjenta musiać być adznaki nie nižej za 8 bałaŭ pa vučebnych pradmietach, jakija adpaviadajuć pradmietam profilnych ekzamienaŭ. I nie nižej za 7 bałaŭ pa ŭsich astatnich vučebnych pradmietach, a taksama rekamiendacyi piedsavieta škoły.
Vypuskniki prafkłasaŭ ahrarnaha kirunku buduć dapuskacca da sumoŭja pry adznakach nie nižej za 6 bałaŭ pa pradmietach, pa jakich musili b zdavać ekzamieny.
Sumoŭje budzie pravodzicca ŭ vusnaj formie, z kožnym abituryjentam pahutaryć jak minimum dva členy kamisii.
Pa vynikach adkazu kamisija prymie rašeńnie ab prachodžańni abo nieprachodžańni vypusknikom sumoŭja i adrazu jaho ahučyć. Rašeńnie kamisii možna budzie abskardzić, padaŭšy apielacyju ŭ toj ža dzień.
Z 20 sakavika pa 5 krasavika idzie rehistracyja na centralizavany ekzamien (CE) u Biełarusi. Pra źmianieńni ŭ praviłach praviadzieńnia centralizavanaha ekzamienu paviedamlałasia raniej. Taksama ŭ 2024 hodzie dla vypusknikoŭ buduć źmieščany terminy vypusknych viečaroŭ — jany adbuducca 14 červienia.
Sankcyi dla sudździaŭ, 30 miljonaŭ jeŭra dapamohi, niepryznańnie vybaraŭ-2025 — raskazvajem pra vyniki Dzion Biełarusi ŭ Bruseli16
Kamientary
Parol - koho lubiš?
Otzyv - lublu łuku
Otzyv2 - i ja jeŝie bolšie. Začiślen