Naminalny naličany siaredni zarobak za luty («brudnymi») skłaŭ 2025,7 rubla. Za studzień zarobak byŭ 1991 rubiel.
2025,7 rubla — heta 627,8 dalara pa siarednim kursie za luty.
Kali ž brać «čystymi», to siaredni zarobak za «luty» skłaŭ 1742 rubli, abo 540 dalaraŭ.
Samy vysoki siaredni zarobak «brudnymi» byŭ u Minsku — adrazu 2768 rubloŭ «brudnymi» (abo 2380 «čystymi»).
Pa vidach ekanamičnaj dziejnaści samyja vysokija zarabotnyja płaty ŭ rabotnikaŭ śfiery infarmacyi i suviazi — Br5349,3, finansavaj i strachavoj dziejnaści — Br3411,7, prafiesijnaj, navukovaj i techničnaj dziejnaści — Br2461,4, piša BiełTA.
Bolš spraviadlivym źjaŭlajecca vyličeńnie ŭ miedyjannym vymiareńni, jaki nazyvajecca dva razy na hod.
U listapadzie 2023 hoda miedyjanny zarobak skłaŭ 1499 rubloŭ 50 kapiejek «brudnymi». «Čystymi» miedyjanny zarobak składaje 1289,5 rubla.
Kali brać pa siarednim kursie dalara za druhoje paŭhodździe (3,1716), to «brudnymi» zarobak składaŭ 427,8 dalara, a «čystymi» — 406,5 dalara.
Miedyjanny zarobak — pakazčyk, jaki dzielić usie zarobki na dźvie roŭnyja častki: pałova rabotnikaŭ atrymlivajuć bolš za hetu sumu, a druhaja pałova mienš za hetaje značeńnie. Takim čynam miedyjanny zarobak lepš adlustroŭvaje situacyju z zarobkam, čym ličby siaredniaha zarobku.
Čytajcie taksama:IT ciahnie ekanomiku ŭniz. Jak za minuły hod źmianiłasia situacyja ŭ śfiery
IP ciapier zmohuć padavać dekłaracyi tolki ŭ elektronnym vyhladzie
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?21
Kamientary