Vyraśli sutačnyja za kamandziroŭki, jakija nie mianialisia 5 hadoŭ
U Biełarusi pavialičyli sutačnyja dla słužbovych kamandzirovak u miežach krainy. Adpaviednyja źmianieńni ahavorany ŭ pastanovie Savieta Ministraŭ ad 22 sakavika 2024 hoda numar 214.
Pamier sutačnych pry kamandziroŭkach pa Biełarusi pavialičvajecca da 12 rubloŭ. Ciapier za kamandziroŭki rabotnikam płaciać 9 rubloŭ za sutki.
Apošni raz pamier sutačnych mianiaŭsia ŭ 2019 hodzie.
Jość novaŭviadzieńni i pa apłacie prajezdu. Udakładniajecca, što kampiensavać pavinny raschody pa prajeździe da miesca kamandziroŭki i nazad tolki pry prajeździe aŭtamabilnym transpartam rehularnych znosin.
Kali rabotnik štodzień viartajecca dadomu i ŭ jaho niama paćviardžajučych kvitkoŭ, to jamu zapłaciać 0,1 bazavaj vieličyni (ciapier heta 4 rubli) u kožny bok za kožny dzień kamandziroŭki.
U pastanovie kankretyzujecca, što kali niama paćviardžajučych dakumientaŭ pa apłacie žylla, to raschody kampiensujucca za kalandarnyja dni, kali rabotnik byŭ u miescy kamandziravańnia (jamu zapłaciać ad 5 pracentaŭ da 20 pracentaŭ ad norm raschodaŭ, a ŭ biudžetnych arhanizacyjach — 5 pracentaŭ).
Kali ŭ kamandziroŭcy ŭźnik niezapłanavany prypynak, to rabotniku pavinny viarnuć vydatki na haścinicu.
Akramia hetaha, zaraz rabotniku buduć kampiensavać raschody na vypłatu zboru za rehistracyju ŭ sistemie elektronnaj čarhi na hranicy Biełarusi i kamisii pry abmienie valuty.
Pastanova nabyvaje moc z 6 krasavika.
Kamientary