Ježa11

Jak pryhoža, ale ekałahična krasić jajki da Vialikadnia

Krašanki — jajki, afarbavanyja ŭ adzin koler, biez uzoraŭ abo rośpisu. Siońnia možna znajści mnostva chimičnych farbavalnikaŭ jarkich adcieńniaŭ dla jajek, ale samyja pryhožyja, karysnyja i navat smačnyja mienavita tyja krašanki, jakija afarbavanyja z dapamohaj pryrodnych farbavalnikaŭ, piša «Zialony partał».

U hetym vypadku možna być upeŭnienym, što ničoha niebiaśpiečnaha razam z kalarovym jajkam nie źjamo ni my sami, ni dzieci. Pryrodnyja farbavalniki dla jajek nie mohuć dać takoha jarkaha adcieńnia, jak chimičnyja, ale jany absalutna biasškodnyja i zdolnyja afarbavać jajki ŭ vielmi dalikatnyja i pryhožyja kolery.

Jak pakrasić jajki naturalnymi farbavalnikami

Naturalnyja biaśpiečnyja farbavalniki — heta sadavina i harodnina, travy i liście, što ŭtrymlivajuć pihmienty, jakija mohuć afarbavać vielikodnyja jajki.

Prychilniki naturalnaha krašańnia vykarystoŭvajuć dla hetych metaŭ: cybulnik, buraki, čyrvonuju kapustu, špinat, čyrvony pierac, kurkumu, advar šypšyny, zialony čaj, kavu, jahady čarnicy.

Krasić možna i ŭ pracesie vareńnia, dadajučy farbavalnyja inhredyjenty ŭ vadu (vada pavinna całkam pakryvać jajki), a možna pakrasić i ŭžo varanyja jajki. Tady spačatku treba zrabić farbavalny rastvor (prakipiacić z vadoj farbavalnuju harodninu, sadavinu ci śpiecyi), a paśla — pafarbavać u im jajka (minimalny čas afarboŭki 30 chvilin, ale možna pratrymać i ŭsiu noč).

Jašče adzin momant — kuplonyja płastykavyja termanalepki na jajki. Vyhladajuć takija nalepki vielmi jarka i śviatočna, ale taki sposab upryhožvańnia jajek z punktu hledžańnia ekałohii vielmi sprečny. Žyćcio takoj nalepki vielmi niedaŭhaviečnaje — kali razabjuć jajka, nalepka adrazu ž traplaje ŭ adkidy. Vykinuć nalepku z vyjavaj śviatych ruka nie padymiecca, tamu mnohija termanalepki spalvajuć. A płastyk spalvać kateharyčna nielha.

Tamu najlepšy sposab upryhožyć jajki da Vialikadnia — uspomnić tradycyjnyja mietady afarboŭvańnia i ŭpryhožańnia, jakich vielmi šmat. Nižej my prapanujem niekalki varyjantaŭ.

Žoŭty koler

Žoŭty koler jajek atrymlivajecca ŭ tym vypadku, kali advaryć ich u vadzie z dadavańniem cybulnaha šałupińnia, morkvy, nasieńnia kmienu abo ramonku.

Bolš intensiŭny koler atrymlivajecca na žoŭtych abo karyčnievych jajkach. Ramonak daje piaščotny žoŭty koler, jaho možna advaryć i pracadzić abo varyć jajki razam z pakunačkami ramonka aptečnaha.

Prykład 1: Kurkumu varyć 15 chvilin u vadzie i zakinuć jajki.

Prykład 2: Dla padrychtoŭki farbavalniku treba ŭziać 1 litr vady, pa 3 stałovyja łyžki parašku kurkumy i ciortaj čyrvonaj morkvy, varyć 30 chvilin.

Aranžavy koler

Aranžavy koler jajek — sok apielsinavaj cedry, sok mandarynavaj cedry, papryka, sok čyrvonaj morkvy.

Prykład 1: 4 stałovyja łyžki papryki treba varyć 30 chvilin u kastruli sa šklankaj vady, paśla hetaha źmiaścić u advar jajki.

Prykład 2: Zamačyć zvaranyja haračyja jajki ŭ markoŭnym soku z dadańniem kurkumy (praporcyi advolnyja i zaležać ad taho, jakoje adcieńnie vam bolš padabajecca).

Karyčnievy koler

Karyčnievy — biarozavaje liście, čorny čaj, kava. Nieabchodna zavaryć mocnuju kavu ci čaj i advaryć u ich jajki.

Čyrvona-cahlany — cybulnaje šałupińnie.

Prykład: Na 3 litry vady treba ŭziać 4 šklanki cybulniku i kipiacić ciaham hadziny. Čym bolš cybulniku, tym bolš nasyčanym atrymajecca farbavalnik. Zakładajem jajki i advarvajem u atrymanym farbavalniku.

Dla atrymańnia liłovaha adcieńnia treba zrabić usio toje ž samaje z šałupińniem čyrvonaj cybuli.

Čyrvony koler

Čyrvony, čyrvanavata-malinavy — advar kary višni abo halinak višni.

Prykład: Advaryć karu abo halinki višni, dać nastajacca niekalki hadzin (lepš pravaryć i pakinuć na noč), abaviazkova pracadzić, varyć u hetym nastoi jajki. Kali advar kary višni zrabić słabym, adpaviedna, jajki afarbujucca ŭ ružovaje adcieńnie.

Ružovy koler

Ružovyja i bezavyja adcieńni — čarnicy, bruśnicy, žuraviny (zamarožanyja abo ŭ vyhladzie soku), maliny, parečki, višnia, čyrvonaja kapusta. U soku možna zamačyć užo zvaranyja jajki.

Zialony koler

Zialony — sušany špinat, piatruška, krapiva, plušč, advar čarnic.

Prykład 1: Na 2-3 jajki i 0,5 litra vady vaźmicie prykładna žmieniu sušanaha padbiełu, paparaci-arlaka abo markoŭniku.

Prykład 2: Advaryć jajki ŭ nastoi sušanaj krapivy (na litr vady 3 stałovyja łyžki krapivy).

Prykład 3: Dla atrymańnia zialonaha adcieńnia jajek možna vykarystoŭvać śviežy advar čarnic. Na 1 ł advaru čarnic — 2-3 poŭnyja čajnyja łyžki paraška kurkumy. Kurkumu, kab paźbiehnuć źjaŭleńnia kamiakoŭ, papiarednie raścierci z vadoj u nievialikim posudzie i tolki potym źmiaścić u advar čarnic.

Prykład 4: Špinat raśsiakajem drobna (zamarožany taksama padychodzić), zalivajem vadoj, kab jana jaho pakryła. Varym 30 chvilin i dajom achaładzicca.

Sini koler

Błakitny, fijaletavy — čarnicy, bruśnicy ci bujaki (jahada pavinna być zamarožanaj ź minułaha hoda), jahady buziny, liście čyrvonaj kapusty — advar budzie čyrvonym, ale jajki afarbujucca ŭ sini koler.

Prykład: Na 0,5 litra vady ŭziać 2 nievialikija hałoŭki čyrvonakačannaj kapusty i 6 stałovych łyžak 9% vocatu. Kapustu drobna parezać, zalić haračaj vadoj, dadać vocat. U hety rastvor pakłaści zvaranyja jajki i pakinuć na paru hadzin. Dla atrymańnia bolš hłybokaha koleru jajki lepš pakinuć na noč.

Prostyja parady, dziakujučy jakim koler škarłupińnia budzie raŭnamiernym i bolš nasyčanym

  • Paśla dastavańnia ŭžo afarbavanych jajek ź jomistaści, dzie jany varylisia, jajki nielha cierci ručnikom, prykładajučy namahańni. Ich varta pramyć, patrymaŭšy pad strumieniem ciopłaj vady, i akuratna prasušyć survetkaj abo papiarovym ručnikom.
  • Kab jajki nie treskalisia pry afarboŭvańni, jany nie pavinny być chałodnymi (ź ladoŭni), ich varta niekalki hadzin patrymać pry pakajovaj tempieratury i pierad afarboŭkaj vymyć u ciopłaj vadzie.
  • Lepš advarvać jajki ŭ taŭstaściennym saciejniku — heta źbieraže ich ad treskańnia. Jajki varta pavolna davieści da kipieńnia i dalej varyć pry minimalnym kipieńni.
  • Paśla krašańnia možna pracierci jajki słaniečnikavym alejem, tady jany nabuduć blask.
  • Kali paśla krašańnia pastavić jajki ŭ hetym samym advary na ŭsiu noč u ladoŭniu, to afarboŭka škarłupińnia budzie bolš jarkaj.

Kamientary1

  • Kastuś
    30.03.2024
    Tolko łušpa ot cybuli, tolko kanony

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

U Lvovie stralali ŭ palityka Irynu Faryjon. Jana ŭ krytyčnym stanie18

MZS Hiermanii paćvierdziŭ infarmacyju pra śmiarotny prysud svajmu hramadzianinu ŭ Biełarusi5

Kiraŭnik «Biełsata» adkazaŭ na abvinavačańni ŭ finansavych złoŭžyvańniach na kanale

Zasnavalnik Jandeksa daŭ pieršaje intervju paśla ŭciokaŭ z Rasii. Pryznaŭ svaje pamyłki10

U Vaŭkavysku zatrymali maci i ciotku anarchista Franckieviča. Jany pryvieźli palitviaźniu pieradaču4

Pra što maŭčaŭ Piotra Sierhijevič2

U Minsku ŭčora zatapiła sałon pryhažości. Jon całkam syšoŭ pad vadu VIDEA1

Andreju Kudziku ź Vilejki dali jašče čatyry hady kałonii1

U Dniapry ŭ rybie zavioŭsia strašny parazit. Pierachodzić na čałavieka!1

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być1

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →