Ciapier Haspar Łjamasares niepakoicca za svaju biaśpieku ŭ ZŠA, bo za zatrymańnie lidera «Al-Kaidy» abiacanyja $25 młn.
Źleva – mahčymy vobraz Usamy, sprava – Haspar Łjamasares. Fota El Mundo
Videa vesti.ru
Ispanski palityk Haspar Łjamasares zajaviŭ ab tym, što FBR vykarystała jaho fatahrafiju ŭ jakaści asnovy dla stvareńnia fotarobata sastarełaha lidera «Al-Kaidy» Usamy bien Ładiena, paviedamlaje Hazieta.Ru sa spasyłkaj na Associated Press. Palityk zajaviŭ, što jaho pryčoska i inšyja rysy tvaru byli vykarystany dla stvareńnia fotarobata Usamy bien Ładena, raźmieščanaha na sajcie Dziarždepartamienta ZŠA. Łjamasares zajaviŭ, što jon niepakoicca za svaju biaśpieku ŭ ZŠA, pakolki za zatrymańnie złačyncy abiacanyja $25 młn. Ispanskaja El Mundo piša pra toje, što pres-słužba FBR pryznałasia, što vykarystała fotazdymak Łjamasaresa, kab stvaryć fotarobat lidera «Al-Kaidy».
Paśla taho, jak infarmacyja pra manipulacyi FBR z fotazdymkam ispanskaha palityka trapiła ŭ presu, Dziarždepartamient ZŠA byŭ vymušany prybrać ź internetu fotarobat lidera «Al-Kaidy».
52-hadovy Haspar Łłamazares źjaŭlajecca členam Kamunistyčnaj partyi Ispani, u minułym byŭ kiraŭnikom kaalicyi Abjadnanych levych u ispanskim parłamiencie. Viadomy svajoj rezkaj krytykaj palityki ZŠA ŭ Iraku.
