Zachvaralnaść na hryp i VRVI ŭ Minsku za minuły tydzień vyrasła ŭ 1,4 razu.
U Minsku na minułym tydni zarehistravana 15,1 tys. vypadkaŭ hrypu i vostrych reśpiratornych virusnych infiekcyj, što ŭ 1,4 razu bolš, čym za papiaredni tydzień.
Pra heta paviedamiła namieśnik kiraŭnika Minskaha haradskoha centra hihijeny i epidemijałohii Natalla Žukava siońnia na apieratyŭnaj naradzie ŭ Minharvykankamie.
U niekatoraj stupieni rost kolkaści chvorych źviazany z zaviaršeńniem kanikułaŭ i viartańniem dziaciej u škoły i dziciačyja sady, rastłumačyła Natalla Žukava. Ahułam chvorym 422 minčanam pastaŭleny dyjahnaz «hryp», 244 špitalizavany. Pry łabaratornych daśledavańniach u 27 pracentach vypadkaŭ vyjaŭleny virus hrypu V u spałučeńni ź inšymi virusami.
«U cełym situacyja z zachvorvańniem na hryp i vostryja reśpiratornyja virusnyja infiekcyi ŭ horadzie stabilnaja i charakternaja dla hetaj pary hoda», — skazała namieśnik kiraŭnika Minskaha haradskoha centra hihijeny i epidemijałohii.
* * *
U pačatku studzienia ŭ Minsku pačałasia vakcynacyja suprać virusa hrypu A/H1N1. Zaściarohu ad śvinoha hrypu (vykarystoŭvajecca vakcyna rasijskaj vytvorčaści) atrymajuć dźvie hrupy rabotnikaŭ — miedycynskija śpiecyjalisty, a taksama tyja, chto pa rodu svajoj prafiesijnaj dziejnaści zajmajecca zabieśpiačeńniem žyćciadziejnaści horada (rabotniki transpartu, voda‑ i enierhazabieśpiačeńnia). Usiaho płanujecca pryščapić 60 tys. čałaviek. U kancy kastryčnika ŭ stalicy rabotniki hetaj katehoryi prajšli biaspłatnuju vakcynacyju ad zvyčajnaha siezonnaha hrypu. Dla ich vakcynacyja — druhaja pa liku. Što ž datyčycca vakcynacyi suprać hrypu A/H1N1 nasielnictva, to ciapier u Biełarusi prachodzić rehistracyju jašče adna vakcyna. Pa vynikach jaje rehistracyi budzie pryniata rašeńnie ab płatnaj imunizacyi ŭsich žadajučych.
Kamientary