Nacyjanalny bank zabiaśpiečyć stabilnaść biełaruskaha rubla. Pra heta zajaviŭ kiraŭnik Nacbanka Piotr Prakapovič 18 studzienia padčas dakłada Alaksandru Łukašenku, paviedamlaje pres‑słužba prezidenta.
Prakapovič paviedamiŭ Łukašenku pra vyniki pracy bankaŭskaj sistemy krainy za śniežań 2009 hoda i za minuły hod u cełym. Razmova taksama išła pra tyja zadačy, jakija nieabchodna vyrašać bankaŭskamu siektaru sioleta. Kurs nacyjanalnaj valuty ŭ śniežni 2009 hoda byŭ stabilnym i da košyka valut nie źmianiaŭsia, paviedamiŭ Prakapovič. Zadača pa zabieśpiačeńni kursu biełaruskaha rubla ŭ zapłanavanych miežach vykonvałasia i na praciahu hoda: z 2 studzienia pa 31 śniežnia 2009 hoda asłableńnie nacyjanalnaj valuty skłała 7,9% pry dapuščalnym vahańni plus‑minus 10%. U studzieni hetaha hoda biełaruski rubiel praciahvaje zastavacca stabilnym, pry hetym unutry košyka peŭnyja vahańni zachoŭvajucca.
Vialikaja praca, zajaviŭ Prakapovič, praviedziena ŭ 2009 hodzie bankaŭskaj sistemaj Biełarusi ŭ častcy kredytavańnia realnaha siektara ekanomiki.
a minuły hod abjom vydadzienych bankami kredytnych resursaŭ uzros u 1,4 razu, što adpaviadaje tempam dakryzisnaha ŭzroŭniu. Razam z tym kiraŭnik Nacbanka zaznačyŭ, što pracentnyja staŭki na finansavym rynku Biełarusi vyvieści na dakryzisny ŭzrovień nie ŭdałosia. Na praciahu minułaha hoda jany zastavalisia vysokimi. Tamu ŭ 2010 hodzie, zajaviŭ Prakapovič, zadača Nacyjanalnaha banka i bankaŭskaj sistemy — u karotki pieryjad času vyjści na toj uzrovień pracentnych stavak, jakija praduhledžanyja Asnoŭnymi kirunkami hrašova‑kredytnaj palityki na hety hod. U cełym Prakapovič zapeŭniŭ Łukašenku, što ŭsie pakazčyki, zakładzienyja ŭ Asnoŭnych kirunkach hrašova‑kredytnaj palityki na 2010 hod, buduć zabiaśpiečanyja ŭ poŭnym abjomie.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary