Pakul u Biełarusi čakajuć padvyšeńnia koštaŭ na patrymanyja aŭto, u ZŠA raspradajuć vysokatechnałahičny transpartny sekand-chend z ucenkaj: kaśmičnaje ahienctva NASA vystaviła na publičny prodaž dva svaich kaśmičnych čaŭnaki, «Indevar» i «Atłancis». Ceńnik pryvabny jak nikoli: z pryčyny nizkaj aktyŭnaści patencyjnych pakupnikoŭ NASA ŭcaniła karabli z 42 da 28,8 miljonaŭ dalaraŭ. Apošni termin dla padačy zajavak na pakupku zorkalotaŭ — 19 lutaha.
Kaśmičnyja karabli ŭ technałohii «Kaśmičny čaŭnok» słužyli dla palotaŭ u kosmas z 70-ch hadoŭ, ale z 2010 nasaŭcy pierajduć na novaje pakaleńnie kaśmičnych transpartnych srodkaŭ. Za hetyja hady paciarpieli avaryju dźvie mašyny: «Čelendžer» (vybuchnuŭ pry starcie ŭ 1986) i «Kałumbija» (zhareŭ pry pasadcy ŭ 2003 hodzie) . Siońnia na słužbie zastałosia try: «Indevar», «Atłantys» i «Dyskaviery». Apošni, jaki adpraŭlaŭsia za miežy startaśfiery 36 razoŭ, užo pradadzieny ŭ Nacyjanalny muziej asvajeńnia pavietra i kosmasu.
Całkam vierahodna, što nizkaja aktyŭnaść udzielnikaŭ aŭkcyjona palahaje ŭ prablematyčnaści transpartavańnia čaŭnakoŭ z anharaŭ NASA, z Kaśmičnaha centra imia Kienedzi ŭ Fłarydzie.
U dadatak NASA prapanuje kupić ruchavik za 400—800 tysiač dalaraŭ, ale hetaja prapanova taksama nie maje vialikaha popytu. Tut, napeŭna, pryčyna palahaje ŭ tym, što ahienctva prapanavała kupić ruchavik, raskładzieny na tysiačy častak.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary