Minčuk, jaki «zaminiravaŭ» ciahnik «Kalininhrad — Maskva», źmieščany ŭ «Navinki»
Sarakahadovy minčuk, jaki paviedamiŭ 5 studzienia ŭ FSB Rasii pra nibyta padrychtoŭku terakta ŭ ciahniku »Kalininhrad — Maskva», źmieščany ŭ respublikanskuju kliničnuju psichijatryčnuju balnicu »Navinki» (Minsk).
Pra heta skazali va ŭpraŭleńni ŭnutranych spraŭ na transparcie MUS Biełarusi.
Nahadajem, ab ananimnym telefanavańni ŭ FSB i jaho źmieście 5 studzienia byŭ prainfarmavany Aršanski adździeł unutranych spraŭ na transparcie.
Paśla prybyćcia ciahnika ŭ Oršu (Viciebskaja vobłaść) 6 studzienia ŭ 1.07 supracoŭniki pravaachoŭnych orhanaŭ praviali kompleks mierapryjemstvaŭ, skiravanych na pošuk u sastavie vybuchovych pryład, adnak ničoha padazronaha znojdziena nie było. Na čas praviadzieńnia rabot ź ciahnika daviałosia evakujavać bolš za 500 pasažyraŭ. Zatrymka ruchu skłała 2 hadziny 23 chviliny. 6 studzienia pa hetym fakcie Aršanskim AUST była raspačata sprava na padstavie č. 1 art. 340 Kryminalnaha kodeksa (zaviedama niepraŭdzivaje paviedamleńnie pra niebiaśpieku).
U toj ža dzień śpiecsłužby zatrymali padazravanaha. Im akazaŭsia hramadzianin Biełarusi, minčuk.
Jak paviedamili ŭ centry infarmacyi i hramadskich suviaziej KDB, jon padazrajecca ŭ nieadnarazovym učynieńni padobnych telefanavańniaŭ z pahrozami terarystyčnaha charaktaru ŭ roznyja dziaržaŭnyja orhany i słužby krain SND. Jak paviedamili va UUST MUS, hety čałaviek byŭ raniej nieadnarazova sudzimy za takija złačynstvy. Jon znachodzicca na ŭliku ŭ psichijatryčnaj lačebnicy. Zaraz u dačynieńni da jaho budzie praviedziena čarhovaja sudova‑miedycynskaja ekśpiertyza. Dvojčy paśla takich abśledavańniaŭ «telefonnamu terarystu» pryznačalisia prymusovyja miery lačeńnia.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary