Delehacyja ŭrada 19 studzienia raspačała nasyčany vizit u Francyju.
Delehacyja ŭrada na čale ź pieršym namieśnikam premjer‑ministra Uładzimiram Siamaškam 19 studzienia raspačała nasyčany vizit u Francyju.
Jak paviedamiła pres‑słužba Ministerstva zamiežnych spraŭ Biełarusi, u ramkach vizitu zapłanavany sustrečy
z hienieralnym sakratarom Jelisiejskaha pałaca Kłodam Hieanam, kiraŭnictvam MZS i Ministerstva ekanomiki, pramysłovaści i zaniataści Francyi, šerahu bujnych francuzskich kampanij i bankaŭ. Zapłanavana taksama praviadzieńnie biełaruska‑francuzskaha dziełavoha forumu ŭ štab‑kvatery ruchu francuzskich pradprymalnikaŭ MIEDIEF.
«U miežach sustreč płanujecca pahłyblenaje abmierkavańnie pytańniaŭ dvuchbakovaha supracoŭnictva, uklučajučy pierśpiektyvy naroščvańnia handlova‑ekanamičnych i inviestycyjnych suviaziej z Francyjaj, raźvićcio palityčnaha dyjałohu i dahavorna‑pravavoj asnovy adnosinaŭ, a taksama ŭzajemadziejańnia pa linii mižnarodnych arhanizacyj», — havorycca ŭ paviedamleńni biełaruskaha zamiežnapalityčnaha viedamstva.
U studzieni—listapadzie 2009 hoda tavaraabarot Biełarusi i Francyi skaraciŭsia amal na tracinu i skłaŭ 404,9 młn. dalaraŭ (69,4% da anałahičnaha pieryjadu 2008 hoda); biełaruski ekspart skłaŭ 62,6 młn. dalaraŭ (83,3%), impart — 342,2 młn. dalaraŭ (67,3%). Asnoŭnyja artykuły biełaruskaha ekspartu: mebla, azotnyja ŭhnajeńni, truby z čornych mietałaŭ, adzieńnie, kaziein.
Uvozim ža lehkaviki, insiektycydy, hierbicydy, leki.
Vizit Siamaški cikavy tym, što mienavita Francyja vałodaje atamnymi technałohijami. Francuzskaja kampanija «Areva» mahła b stać alternatyvaj «Rosatamu» pry pabudovie Biełaruskaj AES.Taki vybar pavialičyŭ by enerhietyčnuju niezaležnaść Biełarusi ad Rasii.
Łukašenkaŭcy dasiahnuli papiaredniaj damoŭlenaści z Maskvoj ab rasijskich inviestycyjach u AES, što maje paŭstać kala Naračy. Adnak kančatkovaje ŭhody nie padpisana, bo baki praciahvajuć spračacca ŭ druhasnych pytańniach, naprykład, ab tym, chto maje finansavać pabudovu miastečka dla supracoŭnikaŭ stancyi.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary