Pačałasia era płatnaha kantentu internet-vydańniaŭ

Suśvietnyja miedyjamahnaty patrabujuć płatu za infarmacyju.

Papularnaść internet-vydańniaŭ, jak samastojnych, tak i viersij papiarovych haziet, imkliva pavialičvajecca. Ale vydatki na ich nie zaŭsiody akupajucca prybytkami ad rekłamy. Suśvietnyja medyjamahnaty, zdajecca, znajšli vyjście — zrabić dostup da samych papularnych resursaŭ płatnym. Adzinaja prablema składajecca ŭ tym, kab upeŭnić karystalnikaŭ, jakija pryzvyčailisia da biaspłatnych navin, płacić za infarmacyju.

Pieršymi płatny dostup pačali praktykavać sajty papularnych dziełavych vydańniaŭ. Na sajcie haziety Financial Times samyja cikavyja artykuły zrabili płatnymi. Toje samaje na WSJ.com. Chutka on-łajn viersija štodziońnika The Economist taksama budzie brać płatu za źmiest. U novym hodzie karystalnikam pryjdziecca płacić i za dastup da materyjałaŭ na sajcie francuzskaha štodziońnika Le Figaro — ciapier heta samy papularny infarmacyjny resurs u francuzskim internecie.

Ale najbolš hučna pra nieabchodnaść płaty za jakasny źmiest sajtaŭ zajaviŭ ŭładalnik najbujniejšaha ŭ śviecie miedyjachołdynha News Corp. Rupiert Merdak. Brytanskaja hazieta The Times pryniała rašeńnie ad viasny ŭvieści płatny dostup da sajtu. Merdak, jaki źjaŭlajecca vydaŭcom haziety, adznačyŭ, što prybytki ad płaty za internet-viersiju haziety zmohuć kampiensavać źnižeńnie prožadaŭ papiarovaj haziety.

Važkim arhumientam dla pryniaćcia takoha rašeńnia stali prybytki ad płatnaj internet-viersii Wall Street Journal, jakaja taksama naležyć Merdaku.

Nie adstajuć u hetym płanie i niamieckija miedyjamahnaty. Kancern Springer vyrašyŭ uvieści płatnyja on-łajn viersii svaich viadučych vydańniaŭ — haziet Bild i Welt. Zaraz na čarzie staić papularnaja amierykanskaja hazieta New York Times. Časopis New York Magazine, spasyłajučysia na ŭłasnuju krynicu, paviedamlaje, što New York Times chutčej za ŭsio ciaham niekalkich nastupnych tydniaŭ abjavić ab rašeńni ŭvieści płatny dostup da źmiesta vydańnia. Vierahodna, niekalki artykułaŭ čytačy zmohuć pračytać biaspłatna, a paśla im budzie prapanavana aformić padpisku, kab pračytać astatnija.

Zhodna z suśvietnaj tendencyjaj, papiarovaja hazieta adznačyła źnižeńnie prodažaŭ. Z hetaha i pačalisia razvažańni nakont taho, jak zmahacca ź situacyjaj, u jakoj važnym hulcom stała internet-prastora. Ekśpierty taksama źviazvajuć płany miedyjamahnataŭ zrabić dostup da on-łajn viersij płatnymi z chutkim vychadam płanšetnaha kamputara ad kampanii Apple. Pavodle ich mierkavańnia, hetaje prystasavańnie vielmi mocna źmienić našaje žyćcio. I tamu mnohija vydańni dumajuć nad tym, jak pradać dostup na svaje sajty «jabłyčnaj» kampanii. Pavodle acenki analitykaŭ, płatny dostup da sajtaŭ moža pryvieści da straty da 80% on-łajn aŭdytoryi vydańniaŭ. Adnak, Internet siońnia — adziny miedyjanośbit, jaki demanstruje rost nasupierak kryzisu.

Kali jeŭrapiejskija i amierykanskija vydańni pačynajuć usio čaściej praktykavać płatny dostup da infarmacyi, u Biełarusi i ŭ susiednich krainach taki scenar małavierahodny.

Tradycyjna skłałasia, što našyja internet-servisy byli biaspłatnymi, tamu «pryvić» zvyčku płacić za infarmacyju karystalkaŭ niemahčyma. Pryčym, płacić za rehistracyju ŭ takich servisach jak «Odnokłaśśniki» ludzi hatovy, ale płata tuju infarmacyju, jakaja raniej była biaspłatnaj, vykliča abureńnie i, suadnosna, rezkaje pamianšeńnie čytackaj aŭdytoryi, kali nie poŭnuju jaje adsutnaść.

• 0
• 0
• 0
• 0
• 0
• 0
• 0
• 0