Jak paviedamili ŭ Pružanskim RAUS, 18 studzienia ŭ milicyju pastupiła zajava ab tym, što ź viečara 17 studzienia da ranicy 18 studzienia nieviadomyja z terytoryi fiermy, jakaja budujecca ŭ vioscy Varaniłavičy, skrali dva hruzaviki — «MAZ‑555102» 2004 hoda vypusku i «MAZ‑551605» 2009 hoda vypusku.
U hety ž dzień aŭtamašyny ŭ technična spraŭnym stanie byli znojdzieny śledča‑apieratyŭnaj hrupaj milicyi. Adzin hruzavik znachodziŭsia ŭ kiuviecie niepadalok ad nazvanaj fiermy, druhi — na vulicy ŭ vioscy Paŭłava.
Śledčym adździaleńniem Pružanskaha RAUS raspačata sprava na padstavie č. 2 art. 214 Kryminalnaha kodeksa (vykradańnie transpartnaha srodku abo małamiernaha sudna). Ustanoŭlena, što vykradańnie »MAZaŭ» 17 studzienia prykładna ŭ 20.10 učynili dva žychary vioski Paŭłava. Adzin ź ich — raniej sudzimy vartaŭnik fiermy 1980 hoda naradžeńnia, druhi — taksama raniej sudzimy, niepracujučy, 1988 hoda naradžeńnia. Pavodle źviestak śledstva, maładyja ludzi vykrali hruzaviki, kab pakatacca.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary