Biełaruskija handbalisty dahetul nie mohuć viarnucca dachaty z Kipra
Mužčynskaja zbornaja Biełarusi pa handbole, jakaja 15—17 studzienia ŭdzielničała ŭ adboračnym turniry čempijanatu śvietu‑2011 na Kipry, dahetul nie moža viarnucca damoŭ,
paviedamlaje pres‑słužba Biełaruskaj fiederacyi handboła.
U samalot, na jakim kamanda pavinna była nakiravacca pa maršrucie Łarnaka — Viena, trapiła šaravaja małanka, i ŭ im byli vyjaŭleny techničnyja niepaładki.
U Łarnacy čakajuć prybyćcia pradstaŭnika avijakampanii, jaki pavinien zrabić zaklučeńnie ab mahčymaści dalejšaj ekspłuatacyi samalota. Kali bortu zapatrabujecca doŭhi ramont, zbornaj Biełarusi i astatnim pasažyram rejsa vydzielać inšy samalot. Pytańnie z časovym raźmiaščeńniem i charčavańniem pasažyraŭ vyrašana.
U svajoj adboračnaj hrupie kamanda Juryja Šaŭcova zaniała treciaje miesca, prapuściŭšy napierad Šviejcaryju i Kipr.
Baraćbu za pucioŭku na suśvietnaje pieršynstvo buduć praciahvać šviejcarcy.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary