Siarhieju Kavalenku pryznačyli psichijatryčnuju ekśpiertyzu
Aktyvistu taksama paviedamili, što abvinavačvańni suprać jaho pierakvalifikavanyja.
U paniadziełak śledčaja paviedamiła Siarhieju Kavalenka, što jamu pryznačanaja psichijatryčnaja ekśpiertyza, a taksama, što abvinavačvańni suprać jaho pierakvalifikavanyja.
Sa słoŭ spadara Kavalenki, ciapier jaho abvinavačvajuć u parušeńni ŭžo dvuch artykułaŭ Kryminalnaha kodeksu: 339 č. 1 (naŭmysnyja dziejańni, jakija hruba parušajuć hramadski paradak i vykazvajuć vidavočnuju niepavahu da hramadstva, jakija supravadžajucca prymianieńniem hvałtu abo pahrozaj jaho prymianieńnia abo źniščeńniem abo paškodžańniem čužoj majomaści abo adroźnivajucca pa svaim źmieście vyklučnym cynizmam (chulihanstva) —
da troch hadoŭ pazbaŭleńnia voli;
363 (supraciŭ supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak) — hety artykuł, u zaležnaści ad častki, praduhledžvaje maksimalnaje pakarańnie
da dvuch ci da piaci hadoŭ pazbaŭleńnia voli.
Nahadajem, što kryminalnaja sprava suprać Siarhieja Kavalenki ŭzbudžanaja paśla taho, jak jon 7 studzienia vyviesiŭ bieł‑čyrvona‑bieły ściah na hałoŭnaj jołcy Viciebska.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary