Dva padazravanyja ŭ kradziažy z abmieńnika «Absalutbanka» byli supracoŭnikami hetaha banku
Padrabiaznaści napadu na abmieńnik i zatrymańnia złačyncaŭ.
Dva z čatyroch zatrymanych padazronych u kradziažy hrošaj z punkta abmienu valut «Absalutbanka» ŭ staličnym univiersamie «Centralny» źjaŭlalisia supracoŭnikami hetaj bankaŭskaj ustanovy, paviedamili ŭ HUUS Minharvykankama.
Dva inšyja ŭdzielniki złačynnaj hrupy — raniej sudzimyja.
Nahadajem, złačynstva było ŭčyniena 18 śniežnia 2009 hoda ad 14.00 da 15.00. Złodziei vykrali ź siejfa pryblizna 64 młn. rubloŭ. Jany trapili ŭ abmienny punkt tady, kali kasir pajšła na abied. Dla ŭčynieńnia kradziažu spatrebiłasia ŭsiaho niekalki chvilin. Na miescy złačynstva złodziei nie pakinuli nijakich śladoŭ. Złačyncy na praciahu miesiaca daskanała vyvučali rajon, miesca budučaha złačynstva, hrafik pracy abmiennaha punkta i h.d.
U hrupie roli byli dakładna raźmierkavany:
u zadaču dvuch supracoŭnikaŭ banka ŭvachodzili ŭsie niuansy, źviazanyja z mahčymaściu imhniennaha praniknieńnia ŭ abmienny punkt, a ŭ zadaču dvuch raniej sudzimych maładych ludziej — mahčymaść ažyćciavić kradziež, nie pakidajučy śladoŭ i začepak dla syščykaŭ. Spačatku byli zatrymany try padazravanyja.
Čaćviorty na vykradzienyja hrošy adpačyvaŭ za miažoj.
19 studzienia ŭ adnym z maskoŭskich aeraportaŭ supracoŭnikami minskaj milicyi va ŭzajemadziejańni z rasijskimi kalehami jon byŭ zatrymany kala trapa samalota, jaki viarnuŭsia ź Jehipta. U dačynieńni da zatrymanych rasśledujecca sprava na padstavie č. 4 art 205 Kryminalnaha kodeksa. Zaraz u dačynieńni da padazravanych pravodzicca kompleks śledčych mierapryjemstvaŭ. Praviarajecca ich datyčnaść da ŭčynieńnia inšych takich złačynstvaŭ.
U pryvatnaści, razbojnaha napadu 10 śniežnia na abmienny punkt «Absalutbanka» ŭ staličnym univiersamie «Aŭtazavodski», kali była zabita kasir.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary