Mikoła Rabčuk: Za Janukoviča prapahandu vioŭ kryzis
Ale ŭ Łukašenki šancy byli b jašče lepšymi, miarkuje ŭkrainski palitołah.
Ale ŭ Łukašenki šancy byli b jašče lepšymi, miarkuje ŭkrainski palitołah Mikoła Rabčuk.
«Naša Niva»: Dla Vas vyniki vybaraŭ stali niečakanymi?
Mikoła Rabčuk: Nie, usio pradkazalna. Adzinaj intryhaj hetych vybaraŭ byŭ razryŭ miž Cimašenkaj i Janukovičam. Janukovič apiaredžvaje supiernicu ŭsiaho na 10%. Razryŭ nievialiki, jon daje Cimašency dobryja šancy.
«NN»: Ci možna havaryć pra toje, što Janukovič źmianiŭsia ŭ paraŭnańni z
MR: Tak, jon staŭ bolš ukrainskim. Janukovič padvučyŭ ukrainskuju movu. Ale jaho ekanamičnyja pohlady naŭrad ci źmianilisia. A hałoŭnaje, na jahonym baku — kryzis. Tolki što praz kryzis jamu nie treba źjaŭlacca na telebačańni, nie treba razdavać intervju. Kryzis robić ahitacyju za Janukoviča.
«NN»: Ci maje Cimašenka šancy na pieramohu?
MR: Kali jana zaručycca padtrymkaj vybarcaŭ Cihipki i Jacaniuka, jana maje dobryja šancy. Ciapier ja skazaŭ by, što raskład 60 na 40 na karyść Janukoviča.
«NN»: Čamu taki maleńki rejtynh u dziejsnaha prezidenta?
MR: Palityka Juščanki apošnich hadoŭ była absalutna biazdarnaj. Pa ščyraści, ja navat ździŭleny, što jon nabraŭ 5% hałasoŭ.
«NN»: Ideały Aranžavaj revalucyi ŭžo nieaktualnyja?
MR: Kali my słova «ideał» budziem pierakładać movaju vynikaŭ vybaraŭ, to jany pamierli, i pamierli duža daŭno.
«NN»: Nakolki na hetych vybarach byŭ važny čyńnik Rasii?
MR: Značna mienš, čym na minułych. U
«NN»: Łukašenka mieŭ by šancy na pieramohu va Ukrainie?
MR: Dumaju, tak. Jon stvaryŭ sabie reputacyju takoha haspadara, jaki navioŭ paradak u krainie. U Biełarusi niama takoha bardaka, tam viedajuć, chto za što adkazvaje. Słovam, u jaho imidž «mužyka». Plus starejšaje pakaleńnie ličyć, što Łukašenka dasiahnuŭ vysokich sacyjalnych standartaŭ.
Łukša raskazaŭ, jak sustreŭsia ŭ adnoj kamiery z Pačobutam. I pieradhistoryju ich daŭniaha kanfliktu4
Kamientary