Rasijskaja prapahanda apanoŭvaje śviadomaść Zachadu + fota

Rasijskaja praŭładnaja prapahanda daŭno niepakoić Zachad. Hetym razam anhłamoŭny telekanał Russia Today (RT) daŭ značnuju nahodu dla dyskusii, jakaja razharnułasia ŭ zamiežnych miedyjach i rasijskich błohach.

Na minułym tydni papularnaja brytanskaja hazieta The Independent vystupiła z krytyčnym artykułam «From Russia with news», dzie asudžaŭsia prapahandyscki charaktar kanała. Brytanskaje hramadstva zaniepakojena tym, što rasijskaja prapahanda pranikła ŭ «ich damy».

Vydańnie adznačyła, što ŭ apošnija tydni telekanał Russia Today asabliva imkniecca pryciahnuć uvahu naŭmysnaj pravakacyjnaściu. Brytancy, jakija karystajucca hramadskim transpartam, apynulisia ŭ atačeńni vializnych rekłamnych ščytoŭ, na jakich partret prezidenta Baraka Abamy źlivajecca z adlustravańniem iranskaha lidera Machmuda Achmadziniežada, a pobač — pravakacyjnaje pytańnie: «Ad kaho sychodzić bolšaja jadziernaja pahroza?»

Hety płakat źjaŭlajecca častkaj rekłamnaj kampanii telekanała, jakuju zabaranili ŭ amierykanskich aeraportach.

Jašče na adnym płakacie sałdat źlivajecca ź fihuraj bajevika Talibana, a pobač pytańnie «Terarysty — adzinaja krynica teroru?».

Infarmacyja pra toje, što najbujniejšyja amierykanskija aeraporty admaŭlajucca raźmiaščać pa svajoj terytoryi rekłamnyja płakaty, jakija jany paličyli niepalikarektnymi, źjaviłasia na samim sajtie RT. Tam paviedamlajecca, što nakładzienyja adno na adno adlustravańni «ŭsiaho tolki» simvalizujuć supraćlehłyja baki kankretnaha siužeta. «Zadajučy pytańni, my padbivajem hledačoŭ šukać novyja adkazy,

bo zbałansavanaje mierkavańnie možna sfarmavać tolki źjaŭlajučysia bolš poŭna infarmavanym», —tłumačyć kanał.

U svaim błohu hałoŭnaja redaktarka RT 29-hadovaja Marharyta Simańjan u adkaz na dyskusiju patłumačyła pazicyju telekanała. Jana napisała, što płakaty byli zamoŭlenyja i nabytyja ŭ mižnarodnaj rekłamnaj kampanii McCann Ericsson, klijentami jakoj źjaŭlajucca takija suśvietnyja brendy, jak Coca Cola, Sony, Microsoft, L'Oreal, Johnson & Johnson, Exxon Mobili šerah inšych. Ale tym nie mienš Simańjan kaža pra toje, što na rekłamnuju kampaniju nie było vydatkavana šmat hrošaj.

«Treba pryznać, my nasamreč tracim hrošy padatkapłatnikaŭ. Jak i na luby inšy anałahičny prajekt luboj inšaj krainy — ad VVS da Al‑Chury. Nie mahu jašče nie dadać, što naš biudžet u dziasiatki razoŭ mienšy za biudžet VVS», — apieluje jana.

Pavodle jaje mierkavańnia, prezientacyja krainy na infarmacyjnaj prastory stratehična važnaja. «Možna ž hetyja hrošy patracić na škoły i balnicy! Davajcie pasprabujem. I pahladzim, što dalej budzie adbyvacca z nami i z našaj dziaržaŭnaściu. U tym liku, z našymi škołami i balnicami», — zaklučaje hałoŭnaja redaktarka telekanała.

Varta adznačyć, što ŭ bok kiraŭnictva Rasii nie adnojčy pastupała krytyka za vializnaje vydatkoŭvańnie hrošaj na dziaržaŭnuju prapahandu. U błoh‑dyskusiju ŭstupili samyja papularnyja błohiery ŭ runecie Anton Nosik i Arciemij Lebiedzieŭ, kateharyčna nie pahadziŭšysia ź mierkavańniem Simańjan.

«Bolš za ŭsio ŭ pramovie spn. Simańjan mianie paciešyŭ toj fakt, što jana realna nie ŭ kursie, ź jakich srodkaŭ finansujecca karparacyja VVS. Pavodle jaje mierkavańnia, brytancy takim ža čynam utrymlivajuć svajo hramadskaje telebačańnie na hrošy padatkapłatnika, jak heta było pryniata ŭ SSSR i da hetaha dnia praktykujecca ŭ suvienirnaj kleptakratyi», — napisaŭ błohier.

Lebiedzieŭ naohuł nazvaŭ rekłamnuju kampaniju RT «hebešnym kreatyvam». Jon taksama adznačyŭ,

što sa svajoj idejaj adlustravać supraćlehłyja baki kankretnaha siužeta, kanał spaźniŭsia hadoŭ na dvaccać i što ŭvieś cyvilizavany śviet znachodzicca daloka napieradzie.

Telekanał Russia Today, jaki viaščaje na anhielskaj, arabskaj i ispanskaj movach, byŭ adkryty ŭ 2005 hodzie ŭ procivahu takim zachodnim suśvietnym navinnym słužbam, jak CNN i VVS,

kab prezientavać punkt hledžańnia ŭładaŭ pad kiraŭnictvam Uładzimira Pucina.

U apošnija hady biudžet kanała, jaki vydatkoŭvajecca ź dziaržaŭnaha biudžeta, skłaŭ kala 120 miljonaŭ dalaraŭ.

• 0
• 0
• 0
• 0
• 0