«Na vialiki žal, u nas Centrvybarkam nie źjaŭlajecca całkam niezaležnym instytutam».
U časie pres-kanfierencyi, pryśviečanaj budučym miascovym vybaram, Lidziju Jarmošynu spytalisia, ci nie choča jana sama navučyć palitykaŭ pieramahać. Jana adkazała: «Ja nie ŭmieju siabie rekłamavać, a vybary — heta zaŭsiody samarekłama. Da taho ž, ja — člen kamandy kiraŭnika krainy».
Heta nienarmalna. Kiraŭnik vybarčaj kamisii va ŭsich krainach Jeŭropy — čałaviek niezaležny, pavažany. Jaki ž heta padlikoviec, kali jon člen kamandy adnaho z palitykaŭ?
Juryst, były sudździa Kanstytucyjnaha Suda Michaił Pastuchoŭ ličyć takuju situacyju durnoj. «Na vialiki žal, u nas Centrvybarkam nie źjaŭlajecca całkam niezaležnym instytutam. Bolš za toje, jahonaja zaležnaść ad kiraŭnika dziaržavy zamacavanaja Kanstytucyjaj i zakonam ab Centrvybarkamie», — kamientuje jon pryznańnie Lidzii Jarmošynaj. Pa jaho słovach, taki stan rečaŭ nie adpaviadaje jeŭrapiejskim standartam u vobłaści vybarčaha zakanadaŭstva.
Zhodna z Zakonam ab Centralnaj kamisii pa vybarach i praviadzieńni respublikanskich refierendumaŭ, Centrvybarkam u svajoj dziejnaści kirujecca Kanstytucyjaj, hetym Zakonam, inšymi aktami zakanadaŭstva. Adnym z asnoŭnych pryncypaŭ dziejnaści kamisii źjaŭlajecca jaje niezaležnaść, a ŭździejańnie, u tym liku i ŭskosnaje, na Centrvybarkam zabaraniajecca i ciahnie adkaznaść pavodle zakona. Adnak pry hetym 6 z 12 členaŭ kamisii pryznačajucca kiraŭnikom krainy, jak i jaje staršynia (sa zhody savieta Respubliki). Jašče 6 pryznačajucca savietam respubliki. Jaki ŭ svaju čarhu pryznačajecca častkova kiraŭnikom dziaržavy, a častkova — viernymi jamu miascovymi deputatami. Zamknionaje koła kamandy.
Minskaja nastaŭnica zvolniłasia sa škoły za 3 miesiacy da kanca adpracoŭki. Kolki pryjšłosia zapłacić?26
Kamientary