Hramadstva5959

Maładym pachavali milicejskaha načalnika, jaki kamandavaŭ razhonam demanstracyi ŭ Pinsku ŭ 2020-m

Da svajho 48-hodździa Dźmitryj Karaviakoŭski nie dažyŭ dva z pałovaj miesiacy, nie stała jaho ŭ subotu. Pryčyna śmierci nam nieviadomaja. Pachavali Karaviakoŭskaha ŭ Breście — pa apošnim miescy słužby.

Fota: brestcity.com

Razhon demanstrantaŭ, jakija patrabavali sumlennaha padliku hałasoŭ, u Pinsku byŭ asabliva žorstki. Viadomyja imiony 27 žycharoŭ horada, što atrymali doŭhija turemnyja terminy za ŭdzieł u pratestach 9 žniŭnia. Kamandavaŭ pinskaj milicyjaj tady Dźmitryj Karaviakoŭski.

Dźmitryj Karaviakoŭski — patomny siłavik: jahony baćka byŭ adnym z kiraŭnikoŭ bresckaj milicyi, brat šmat hadoŭ addaŭ słužbie ŭ DAI, žonka taksama słužyć. 

Rodam Karaviakoŭski ź Pinska. Z 1997 hoda jon słužyŭ u kryminalnym vyšuku, u 2019-m atrymaŭ pryznačeńnie ŭ Pinsk.

U 2020-m jahony rodny horad masava hałasavaŭ suprać Alaksandra Łukašenki, za Śviatłanu Cichanoŭskuju, ale, jak i ŭsiudy, ludziej zahaniali na daterminovaje hałasavańnie, a milicyja razam z supracoŭnikami KDB pieraškadžała niezaležnamu nazirańniu za vybarami. Uviečary 9 žniŭnia vybarcy vyjšli na vulicy i skiravalisia da budynka rajvykankama. Pratest skončyŭsia siłavym razhonam.

Viadomyja imiony 27 žycharoŭ horada, jakija atrymali šmathadovyja turemnyja terminy za ŭdzieł u pratestach 9 žniŭnia. Siarod ich rabočyja, kiroŭcy, sanitarka balnicy. Realnaja ličba palitźniavolenych pinčukoŭ, imavierna, u razy bolšaja. Šmatlikija žychary horada atrymali turemnyja terminy taksama za «raspaŭsiud zaklikaŭ» ci kamientary ŭ sacyjalnych sietkach.

Za svaje zasłuhi Karaviakoŭski byŭ pryznany ŭładami «čałaviekam hoda Pinščyny ŭ halinie achovie zakonnaści», a ŭ 2021-m atrymaŭ pavyšeńnie ŭ Brest, dzie jon uznačalvaŭ Leninski RAUS. 

Dźmitryj Karaviakoŭski zapomniŭsia svajoj zajavaj, u jakoj tłumačyŭ padziei 2020-ha tym, što Łukašenka zmahaŭsia z pandemijaj u škodu svajoj pieradvybarčaj kampanii, u vyniku čaho «infarmacyjnaje pole vypuściłasia z ruk». 

Budźcie strymanymi pry kamientavańni takich navinaŭ u miesiendžarach i sacsietkach. U ciapierašnich realijach navat niejtralnaje vykazvańnie na hetuju temu moža pryvieści da zaviadzieńnia kryminalnaj spravy.

«Naša Niva» — bastyjon biełaruščyny

PADTRYMAĆ

Kamientary59

  • Žyvie Biełaruś
    15.04.2024
    [Red. vydalena]
  • Pram praślaziŭsia
    15.04.2024
    [Red. vydalena]
  • Byvaje
    15.04.2024
    [Red. vydalena]

Zialenski zajaviŭ, što prapanuje Rasii zaniatuju USU častku Kurščyny na abmien2

Zialenski zajaviŭ, što prapanuje Rasii zaniatuju USU častku Kurščyny na abmien

Usie naviny →
Usie naviny

U Minsku hramadski transpart idzie z adstavańniem u hrafiku 20 chvilin

Mask prapanavaŭ amal $100 miljardaŭ za kantrol nad OpenAI2

Ci budzie Biełaruś płacić reparacyi Ukrainie? Razvažaje ekśpiert37

Jašče adzin bank prapanavaŭ zdymać hrošy na kasach u kramach

Tramp uvioŭ 25-pracentnyja pošliny na ŭvieś impart stali i aluminiju ŭ ZŠA

Jak buduć vyhladać ludzi praz 1000 hadoŭ — prahnoz navukoŭcaŭ13

Płany pa rekanstrukcyi kaścioła na Kalvaryjskich mohiłkach u Minsku pamianiali nie ŭ lepšy bok1

69-hadovy biznesmien nažyŭ dzicia z 25-hadovaj kachankaj, a ad alimientaŭ chitra ŭchiliŭsia14

Brytaniec, dziaŭčyna jakoha vykinuła ŭ śmietnicu dysk ź bitkojnami na $700 miljonaŭ, choča kupić uvieś śmietnik4

bolš čytanych navin
bolš łajkanych navin

Zialenski zajaviŭ, što prapanuje Rasii zaniatuju USU častku Kurščyny na abmien2

Zialenski zajaviŭ, što prapanuje Rasii zaniatuju USU častku Kurščyny na abmien

Hałoŭnaje
Usie naviny →

Zaŭvaha:

 

 

 

 

Zakryć Paviedamić