U Breście zatrymali eks-barmena. Staviać u vinu ŭdzieł u pratestach u 2020 hodzie
Telehram-kanał bresckaha HUBAZiKa apublikavaŭ videa pra zatrymańnie mužčyny.
Adznačym, što ŭ pieršaj častcy videa siłaviki ŭvarvalisia ŭ kvateru i pakłali na padłohu kuchni mužčynu ŭ čyrvonych majtkach (i na jaho rukach nie vidać nijakich tatu). Zatym siłaviki pakazvajuć takoha ž čałavieka, ale jon užo lažyć u dźviarnym prajomie, hoły — ale ŭ šerych trusach, a na pravym pieradpleččy maje vialikuju čornuju tatuiroŭku. Vyhladaje, što dadomu siłaviki nalacieli jak minimum dva razy (ale kali byŭ pieršy raz — nieviadoma), piša «Viasna».
Dalej na videa jon raskazvaje, što znachodziŭsia na prajeznaj častcy na praśpiekcie Mašerava (u Breście na paślavybarnych pratestach). Uzhadvaje, što byŭ tam sa znajomymi Lošam, Kolem i Valancinaj, jakija ŭžo zatrymany. Paśla abrazańnia, varta fraza zatrymanaha: «zapuskali saluty ŭ supracoŭnikaŭ» (pry hetym z-za mantažu niezrazumieła, heta jaho kampanija zajmałasia salutami ci ludzi vakoł zapuskali ich).
Pavodle «Miedyjazony», zatrymany Dźmitryj Łysiuk. Raniej jon pracavaŭ barmenam u bary «Sumlennaja pinta» (jon ža Pinta Irish Pub).
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary