Zakryli adrazu dva dziaržaŭnyja vydaviectvy sa słaŭnaj historyjaj
Biełaruskija vydaviectvy «Vyšejšaja škoła» i «Narodnaja aśvieta» spynili svaju pracu. Rašeńnie było pryniata jašče ŭ kancy sakavika, piša «Lusterka» sa spasyłkaj na ahlad Biełaruskaj rady kultury.
Jak adznačajecca ŭ ahladzie, vydaviectvy abviaścili pra spynieńnie svajoj pracy ŭ sacyjalnych sietkach. 27 sakavika na staroncy vydaviectva «Narodnaja aśvieta» ŭ fejsbuku źjaviłasia infarmacyja, što z 1 krasavika jano spyniaje svaju dziejnaść. Jaho pravapierajemnikam vystupić vydaviectva «Adukacyja i vychavańnie», zasnavanaje Ministerstvam adukacyi. Sacyjalnyja sietki «Vyšejšaj škoły» nie isnujuć, mahčyma, jany ŭžo vydalenyja.
U 2023 hodzie abodva vydaviectvy zabrali ŭ Ministerstva infarmacyi i pieradali Ministerstvu adukacyi. Mahčyma, heta było zroblena, kab palehčyć praces źlićcia, jaki płanavaŭsia ŭžo tady.
«Vyšejšaja škoła» — adno z najbujniejšych vydaviectvaŭ u Biełarusi, było ŭtvorana ŭ 1961 hodzie. Vydaviectva vypuskała navučalnyja, daviedačnyja, vytvorča-praktyčnyja, navukovyja, navukova-papularnyja knihi.
Vydaviectva «Narodnaja aśvieta» było ŭtvorana ŭ 1951 hodzie. Jano vydavała navučalnyja dapamožniki dla ahulnaadukacyjnych, śpiecyjalnych škoł i piedahahičnych navučalnych ustanoŭ, mietadyčnuju litaraturu dla nastaŭnikaŭ, litaraturu pa pazakłasnym čytańni dla navučencaŭ, mastackuju litaraturu, prahramna-mietadyčnyja vydańni, drukavanyja dapamožniki dla škoł, u tym liku na biełaruskaj movie.
Zakryćcio hetych dvuch dziaržaŭnych vydaviectvaŭ — daloka nie adzinaje takoje rašeńnie ŭładaŭ.
U 2021 hodzie jany začynili vydaviectva «Biełaruskaja encykłapiedyja», jakoje dałučyli da vydaviectva «Biełaruś».
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary