Niekatorych vieteranaŭ tyłu ŭ Biełarusi pryznajuć udzielnikami Vialikaj Ajčynnaj vajny
Ilhoty dla niekatorych vieteranaŭ Vialikaj Ajčynnaj vajny, a taksama dla voinaŭ-internacyjanalistaŭ buduć pašyrany ŭ Biełarusi, ale adnačasova z hetym budzie bolš składana stać vieteranam pracy.
Deputaty Pałaty pradstaŭnikoŭ Biełarusi pryniali ŭ pieršym čytańni źmieny ŭ zakony pa pytańniach vieteranaŭ, pieradaje Sputnik.
Jak tłumačyła raniej načalnik hałoŭnaha ŭpraŭleńnia sacyjalnaha absłuhoŭvańnia i sacyjalnaj dapamohi Minpracy i sacabarony Kaciaryna Kalada,
da ŭdzielnikaŭ Vialikaj Ajčynnaj vajny vyrašana adnieści vajennasłužačych, jakija byli ŭznaharodžany ordenami abo miedalami SSSR za biezdakornuju voinskuju słužbu ŭ tyle.
U tym liku, pavodle jaje słoŭ, heta robicca dla harmanizacyi zakanadaŭstva z Rasijaj i ŭ adkaz na zvaroty hramadzian. Pierachod u novy status aznačaje, naprykład, što dadzienym vieteranam padvysiać pamier materyjalnaj dapamohi, jakaja štohod vypłačvajecca da Dnia Pieramohi.
Jak adznačyła staršynia Pastajannaj kamisii Pałaty pradstaŭnikoŭ pa pracy i sacyjalnych pytańniach Iryna Kaścievič, razmaŭlajučy z žurnalistami, asnoŭnaje ŭ papraŭkach — heta ŭzmacnieńnie sacyjalnych ilhot, ilhot i harantyj dla asobnych katehoryj nasielnictva.
«Heta vieterany Vialikaj ajčynnaj vajny, heta byłyja viaźni fašyzmu i voiny-internacyjanalisty», — rastłumačyła deputat.
Jana taksama rastłumačyła, što siaredni ŭzrost voinaŭ-internacyjanalistaŭ ciapier — 60 hadoŭ, i jany taksama majuć patrebu ŭ peŭnych ilhotach pa miedycynie.
«Tamu anałahična budzie davacca i zakładvajecca takaja norma, jak biaspłatnyja leki, biaspłatnaje pratezavańnie zuboŭ i sanatorna-kurortnaje lačeńnie», — adznačyła parłamientaryj.
Pavodle źviestak Kaścievič, ciapier u Biełarusi 22 tysiačy voinaŭ-internacyjanalistaŭ.
Stać vieteranam pracy ŭ Biełarusi stanie bolš składana
Jość u zakonaprajekcie i inšaja navina. Ciapierašniaja norma abviaščaje, što vieteranam pracy moža stać mužčyna sa stažam nie mienš jak 30 hadoŭ i žančyna sa stažam ad 25 hadoŭ pry dasiahnieńni ahulnaŭstanoŭlenaha piensijnaha ŭzrostu.
U novaj redakcyi staž u mužčyn pavinien być nie mienš za 45 hadoŭ, a ŭ žančyn 40. Hetaja norma zapracuje z 1 studzienia 2025 hoda.
Na dumku Kaścievič, status vieterana pracy pa novych normach budzie atrymać realna.
«Tamu što my z vami ŭvachodzim u darosłaje žyćcio 18 hadoŭ. Z ulikam uzrostu piensijnaha žančyn 58, u mužčyn 63, heta jakraz 40 i 45 hadoŭ (staž dla vieterana pracy), u jakija ŭklučajecca i vučoba, i słužba ŭ vojsku dla chłopcaŭ i vodpusk pa dohladu za dziciem, i vodpusk za svaimi sastarełymi baćkami. Heta siońnia ŭsio ŭklučajecca», — patłumačyła deputatka.
Stała viadoma aficyjnaja pryčyna śmierci Makieja, Ašurka i Tarajkoŭskaha9
Kamientary