«Vypalim žalezam». Tusk paviedamiŭ, što napad na paplečnika Navalnaha zakazaŭ biełarus
Za napadam na Leanida Vołkava ŭ Vilni staić hramadzianin Biełarusi. Jon zatrymany, zajaviŭ siońnia premjer-ministr Polščy. Sa słovaŭ Tuska, biełarus zamoviŭ napad dvum hramadzianam Polščy.
«Patencyjny zabojca prezidenta Zialenskaha — palak, jaki dziejničaje ŭ supracoŭnictvie z rasijskimi słužbami, — aryštavany 2 dni tamu.
Biełarus, jaki pracuje na rasijanaŭ, jaki zamoviŭ dvum palakam zabojstva paplečnika Navalnaha, zatrymany. Napadniki taksama ŭžo zatrymanyja.
Jany źviazany z kołami fanataŭ ultras. Heta tolki ŭ krasaviku. Nijakaj łaski da supracoŭnikaŭ rasijskich słužbaŭ nie budzie. Vypalim žalezam kožnuju zdradu i sprobu destabilizacyi», — napisaŭ Tusk u sacsietcy X.
Pra zatrymańnie dvuch čałaviek, jakich padazrajuć u napadzie na Leanida Vołkava, paviedamiŭ siońnia Hitanas Naŭsieda.
«U Polščy zatrymany dva čałavieki, jakija padazrajucca ŭ źbićci rasijskaha apazicyjaniera Leanida Vołkava. Ja dziakuju Polščy za vydatnuju pracu, jakuju jana zrabiła, ja havaryŭ ab hetym z prezidentam Polščy i padziakavaŭ im za vydatnaje supracoŭnictva», — skazaŭ prezident Naŭsieda.
Prezident Litvy taksama nie ŭdakładniŭ, chto hetyja ludzi i hramadzianami jakoj krainy źjaŭlajucca.
«Ja pakul nie viedaju nijakich inšych padrabiaznaściaŭ, ale mahu skazać: ja bačyŭ, jak enierhična i nastojliva pracavała litoŭskaja palicyja na praciahu apošniaha miesiaca pa hetaj spravie, i vielmi rady, što hetaja praca apynułasia vynikovaj», — napisaŭ u svaju čarhu Leanida Vołkaŭ u tvitary.
Na paplečnika Navalnaha Leanida Vołkava napali ŭ Vilni 12 sakavika. Jamu raźbili małatkom akno ŭ mašynie i raspylili ŭ vočy ślozaciečny haz, paśla čaho napadnik staŭ bić Vołkava małatkom.
U Polščy zatrymali dvuch čałaviek, jakich padazrajuć u źbićci rasijskaha apazicyjaniera Vołkava ŭ Vilni
«Heta taki typovy bandycki pryviet ad Pucina». U Leanida Vołkava dyjahnastavali pierałom ruki paśla taho, jak na jaho napali ŭ Vilni
Z-błohier z Rasii śćviardžaje, što jahonyja paplečniki napali na Leanida Vołkava
Na paplečnika Navalnaha Leanida Vołkava napali ŭ Vilni
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary