Vykradzienaha ŭ «DNR» amierykanskaha vajenkara Raseła Bentli zabili
Paśla źniknieńnia mužčyny na miescy zastałasia jahonaja biełaja «Niva». U aŭtamabili lažali jaho biejsbołka, akulary i pabity telefon.
Vykradzienaha ŭ «DNR» amierykanskaha vajenkara Raseła Bentli zabili. Pra heta paviedamiŭ «staršynia Hramadskaj pałaty DNR» Alaksandr Kofman.
«Ludmiła paviedamiła, što jaje muž Raseł Bentli «Techas» — zabity. Ja vielmi spadziajusia, što vyludkam, što heta ŭčynili ŭžo nichto i ničoha nie dapamoža…», — zajaviŭ jon.
Kofman dadaŭ, što jaho zabojstva paciahnie za saboj «kałasalnyja reputacyjnyja straty» dla «DNR», piša Astra.
Raniej žonka Bentli Ludmiła nieadnarazova pisała, što jaje muža vykrali vajskoŭcy z 5-j rasijskaj bryhady.
«Majho muža ŭziali i praciahvajuć niezakonna ŭtrymlivać vajskoŭcy, tankisty, z 5-j bryhady. Raseł byŭ žorstka zatrymany 8 krasavika 2024 h. prykładna pamiž 16:20 i 17:00 u rajonie Aŭtabazy ŭ Piatroŭskim rajonie Daniecka», — pisała jana.
Pra toje, što amierykanca, jaki vajavaŭ na baku RF, mahli vykraści vajskoŭcy, zajaŭlaŭ i redaktar vydańnia «Russkij čas» Alaksandr Karabko, dzie pracavaŭ Bentli. Pa jahonych słovach, «ad śviedkaŭ viadoma, što [Raseła Bentli] «uziali ludzi ŭ kamuflažy, vajskovaj formie». Imavierna, vyrašyli, što 'špijon' i pryvieźli da vajskoŭcaŭ kontrraźviedčykam».
Raniej krynicy Astra paviedamlali, što apošni raz mužčynu bačyli 8 krasavika paśla 16 hadzin u Piatroŭskim rajonie akupavanaha Daniecka, kali jon zdymaŭ nastupstvy prylotu pa vajskovaj čaści na vulicy Aŭtabazaŭskaj.
Paśla źniknieńnia mužčyny na miescy zastałasia jahonaja biełaja «Niva». U aŭtamabili, pa słovach žonki Bentli, lažali jaho biejsbołka, akulary i pabity telefon.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary