Minski małočny zavod №1 staŭ adzinym vytvorcam «małočki» ŭ stalicy
U Biełarusi farsirujecca stvareńnie jašče adnaho «małočnaha monstra». Ad sakavika Minski małočny zavod №1, jaki pracuje pad brendam «Pieršy małočny», manapalizavaŭ vytvorčaść małočnych praduktaŭ u stalicy. I na hetym praces maštabavańnia moža nie spynicca.
U minułym miesiacy, jak vyśvietlili «Biełarusy i rynak», u strukturu MMZ №1 uvajšoŭ były staličny «Harmałzavod №2» (ź filijałam «Junik-Ahra» ŭ Vilejskim rajonie). U apošnija dziesiać hadoŭ jon pracavaŭ pad brendam «Małočny haściniec».
Jašče ŭ 2008 hodzie MMZ №1 pahłynuŭ inšaha staličnaha vytvorcu małočnych praduktaŭ «Harmałzavod №3». I tamu ciapier staŭ adzinym ich vytvorcam u Minsku.
Rašeńnie ab pierachodzie pad kiravańnie MMZ №1, jakoje ŭvachodzić u top-5 najbujniejšych małočnych vytvorcaŭ krainy, było ŭchvalena ŭłaśnikami «Małočnaha haścinca» i «Junik-Ahra» ŭ asobie minskich uładaŭ. Imi jany prabyli krychu bolš za paŭhoda, atrymaŭšy, u svaju čarhu, hetyja aktyvy ŭ žniŭni minułaha hoda ad Kiraŭnictva spravami Łukašenki.
Z 2015 hoda «Małočny haściniec» i jaho filijał «Junik-Ahra» ŭvachodzili ŭ skład ahrapramysłovaha chołdynhu Kiraŭnictva spravami.
Na hety momant va ŭpraŭleńni chołdynhu «Pieršy małočny» taksama znachodziacca dałučanyja da jaho ŭ kancy 2010-ch zavody Maładziečanskaha małočnaha kambinata (u Maładziečnie, Vałožynie, Vilejcy i Miadzieli) i try sielskahaspadarčyja filijały ŭ Puchavickim, Červieńskim i Vilejskim rajonach.
Chołdynh zabiaśpiečvaje prykładna 70% abjomu vytvorčaści małočnych praduktaŭ u Minsku i Minskaj vobłaści i 18% u maštabie ŭsioj Biełarusi.
U MMZ №1 jość sumiesnaje pradpryjemstva ŭ Tadžykistanie («Vatan»), a najbujniejšymi ekspartnymi rynkami źjaŭlajucca Rasija (zvyš 70% ad usich pastavak) i Kitaj (kala 10%).
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary