Uzrovień Prypiaci kala Pietrykava na 20 sm pieravyšaje niebiaśpiečnuju adznaku
Ale ŭžo nazirajecca spad uzroŭniu vady.
«Rost uzroŭniaŭ vady z sutačnaj intensiŭnaściu 1-7 sm nazirajecca na Dźvinie ŭ ahraharadka Uła, Dniapry na ŭčastku Mahiloŭ — Łojeŭ i na asobnych ich prytokach. Na astatnim praciahu nazvanych vyšej rek, a taksama na Niomanie, Vilii, Biarezinie, Sožy i Prypiaci adbyvajecca spad uzroŭniaŭ vady ź intensiŭnaściu 1-28 sm za sutki.
Vada znachodzicca na pojmie na bolšaści rek basiejnaŭ Dniapra, Soža i Prypiaci, a taksama na asobnych učastkach rek basiejna Niomana.
Uzrovień vady na 20 sm pieravyšaje niebiaśpiečnuju vysokuju adznaku na Prypiaci ŭ Pietrykava, tut adznačajecca spad uzroŭniu vady ź intensiŭnaściu 3 sm za sutki», — raspaviali ŭ Biełhidramiecie.
Pavodle źviestak MNS, adznačajucca zatapleńni prybiarežnych terytoryj u šerahu rajonaŭ Homielskaj vobłaści i ŭ Łuninieckim rajonie Bresckaj vobłaści.
Tempieratura vady ŭ rekach składaje ad +3,8 da +14 hradusaŭ, a ŭ vadajomach — ad +7,7 da +11 hradusaŭ.
Vylecieła ŭ nieviadomym kirunku śpikierka KR Anžalika Mielnikava30
Kamientary