«Paśla admieny zapusku na tvary Maryny Vasileŭskaj było rasčaravańnie»
Namieśnik načalnika ŭpraŭleńnia aerakaśmičnaj dziejnaści Akademii navuk Ivan Buča raskazaŭ, jak vyhladała pieršaja biełaruskaja kasmanaŭtka paśla techničnaha zboju.
«Ekipaž znachodziŭsia ŭ karabli, jaki byŭ pryviedzieny ŭ poŭnuju hatoŭnaść da startu. Byli padłučanyja ŭsie sistemy žyćciezabieśpiačeńnia kasmanaŭtaŭ, padłučanyja i pravierany ŭsie sistemy karabla. Akramia taho, rakieta-nośbit była pryviedziena ŭ stan startu. Viadoma, usie byli hatovyja da taho, što rakieta startuje. Emacyjny stan kasmanaŭtaŭ i tych, chto pravodzić dajšoŭ da piku. I na hetym piku start byŭ admienieny», — raskazaŭ Ivan Buča, namieśnik načalnika ŭpraŭleńnia aerakaśmičnaj dziejnaści Akademii navuk u prajekcie «U temie» na jutub-kanale BiełTA.
Jon nahadaŭ, pa jakoj pryčynie admianili start rakiety-nośbita. «Na rakiecie 12 akumulataraŭ. U ich pavinna być peŭnaja tempieratura, dla čaho vykarystoŭvajucca datčyki, jakija ŭklučajuć i adklučajuć sistemu astudžeńnia i padahrevu, kab padtrymlivać tempieraturu elektralita pastajannaj. Dva datčyka vyjšli z ładu, tamu zdaryŭsia pierahreŭ akumulataraŭ. Kamanda na pusk užo była addadzienaja. Ale aŭtamatyka, pravieryŭšy sistemy, vyjaviła, što napružańnie ŭpała. I tamu prykładna za 20 siekund da startu była dadzienaja aŭtamatyčnaja kamanda na spynieńnie pusku», — padkreśliŭ jon.
Paśla admieny adrazu pryznačyli evakuacyju ekipaža, na jakuju syšło kala hadziny. «Ja prymaŭ Marynu, kali jana spuskałasia z kaśmičnaha karabla na lifcie. Tvar byŭ spakojny, razhublenaści nie było, ale było niejkaje rasčaravańnie. Akramia taho, pravodzilisia daśledavańni stanu kasmanaŭtaŭ, kali jany byli jašče ŭ kaśmičnym karabli. I pakazčyki Maryny byli ŭ normie — i cisk, i puls», — dadaŭ Ivan Buča.
Ciapier čytajuć
Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?16
Kamientary