Biełtranshaz: Biełaruś raźličvaje na zachavańnie cany na rasijski haz u 2010 h. na ŭzroŭni minułaha
Pra heta zajaviŭ siońnia žurnalistam hienieralny dyrektar AAT «Biełtranshaz» Uładzimir Majoraŭ
«My raźličvajem, što cana hazu na 2010 hod budzie sfarmiravana na ŭzroŭni minułaha hoda i składzie ŭ siarednim pa hodu
kala $150 za 1 tys. kub.m»,
— skazaŭ Uładzimir Majoraŭ. Razam z tym jon adznačyŭ, što cana hazu zaležyć ad vahańniaŭ cen na naftu, i tamu viłka moža skłaści $145‑160 za 1 tys. kub.m.
Uładzimir Majoraŭ adznačyŭ, što biełaruski bok prapanavaŭ Rasii ŭdzielničać u šerahu pierśpiektyŭnych prajektaŭ u śfiery enierhietyki, u pryvatnaści, u budaŭnictvie novaha błoka Biarozaŭskaj DRES, stvareńni novaha zavoda na bazie AAT «Hrodna Azot» i inšych. Prapanavany prajekt prahramy biełaruska‑rasijskaha supracoŭnictva ŭ hazavaj śfiery. Hetyja prapanovy ciapier razhladajucca rasijskim bokam.
Na dumku hiendyrektara «Biełtranshazu», z ulikam hetych novych inicyjatyŭ supracoŭnictva baki zmohuć damovicca ab canie na haz dla Biełarusi ŭ 2010 hodzie na ŭzroŭni minułaha hoda. Takim čynam, miarkujecca, što panižajučy kaeficyjent dla cany na haz dla Biełarusi składzie 0,7‑0,75 da siaredniejeŭrapiejskaj. Pieršy płaciež za haz u 2010 hodzie biełaruski bok pavinien zrabić da 23 lutaha, i da hetaha času budzie dasiahnuta adpaviednaja damoŭlenaść, pierakanany Uładzimir Majoraŭ.
Kamientary