Šeście «Nieśmiarotny połk» u Rasii sioleta nie budzie pravodzicca «ŭ vočnym farmacie», pra heta paviedamlajuć rasijskija ahienctvy sa spasyłkaj na sustaršyniu centralnaha štaba ruchu, deputata Dziarždumy Alenu Cunajevu.
Svajo rašeńnie admovicca ad praviadzieńnia šeścia arhanizatary patłumačyli «mierkavańniami biaśpieki», piša Bi-bi-si.
Šeście «Nieśmiarotny połk» u Maskvie i mnohich inšych rehijonach admianiajecca druhi hod zapar. U 2023 hodzie šeści nie pravodzilisia ŭ Maskvie, u rehijonach, jakija miažujuć z Ukrainaj, a taksama na anieksavanych terytoryjach i mnohich inšych rasijskich rehijonach.
U 2022 hodzie, kali Rasija pačała vajnu suprać Ukrainy, akcyja «Nieśmiarotny połk» pravodziłasia, u Maskvie ŭ joj udzielničaŭ rasiejski prezident Uładzimir Pucin.
Šeście «Nieśmiarotny połk» pravodzicca ŭžo bolš za 10 hadoŭ. Ideja prajści pa vulicach z partretami svajakoŭ-frantavikoŭ upieršyniu źjaviłasia ŭ Tomsku ŭ 2012 hodzie, paśla stała papularnaj, i takija šeści stali prachodzić pa ŭsioj Rasii 9 maja.
Z 2015 hoda ŭłady pačali aktyŭna ŭdzielničać u arhanizacyi «Nieśmiarotnaha pałka». Akcyja stała aficyjnaj.
«Pa takich «abvinavačańniach» možna pierasadžać usich prykormlenych prapahandystaŭ». Prarasijskaja stalinistka Mirsalimava prakamientavała svaju spravu
Što za bieraściejec, jakoha KDB vystaŭlaje ŭkrainskim dyviersantam? U sacsietkach jon adept «ruskaha śvietu» i prychilnik Rasii ŭ vajnie
U Minsku nie dazvolili šeście «Nieśmiarotnaha pałka», ale jaho pravioŭ Śviata-Jelisaviecinski manastyr
U Ciumieni «Nieśmiarotny połk» apuściŭsia na dno
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary
U zatoplenych paśla praryva damby Orsku i inšych haradach, samaje to było b šeście pravieści. U rezinavych sapahach.