Chto takaja Neli Malarova, jakaja budzie budavać biełaruski port u Murmansku?
Pra isnavańnie Neli Malarovaj hramadskaści stała viadoma, kali dniami było abvieščana pra budaŭnictva novaha parta ŭ Murmansku dla biełaruskich patreb. Hetaja hramadzianka Biełarusi fihuruje jak adnaasobnaja ŭładalnica rasijskaha TAA «Marski terminał «Varoty Arktyki», jaki padpisaŭ z uradam Murmanskaj vobłaści adpaviednaje pahadnieńnie. Reform.news pry dapamozie «Kibierpartyzanaŭ» daviedaŭsia, što heta za zahadkavaja žančyna i chto staić za jaje śpinaj.
Neli Malarova naradziłasia 14 listapada 1995 hoda ŭ Navapołacku, jaje dziavočaje proźvišča — Pankratava. U siecivie pra jaje amal niama infarmacyi, aprača tolki taho, što jana, budučy studentkaj Połackaha ŭniviersiteta, u červieni 2016 hoda stała pieramožcaj XXII Respublikanskaha konkursu navukovych rabot studentaŭ, a taksama napisała navukovuju pracu «Udaskanaleńnie miechanizmu vybaru hruzapieravozčykaŭ u łancuhu pastavak pradukcyi pramysłovaha pradpryjemstva».
U sakaviku 2021 hoda Neli Pankratava pracavała ŭ łahistyčnaj kampanii TAA «BiełKazTrans», jakaja afilavanaja z adnym z samych upłyvovych «kašalkoŭ» režymu Mikałajem Varabjom i była ŭklučanaja ŭ šmatmiljardnyja schiemy pa kantrabandzie vuhalu i naftapraduktaŭ.
Sam Vierabiej trapiŭ pad sankcyi ES jašče ŭ śniežni 2020 hoda i paśla taho staŭ pierapisvać svaje aktyvy na padstaŭnych ludziej. Siarod hetych ludziej jość i Iryna Eduardaŭna Pankratava — siastra baćki Neli Pankratavaj.
Adnak paśla taho, jak u žniŭni 2021 hoda ZŠA ŭviali sankcyi nie tolki suprać Mikałaja Varabja, ale i suprać šerahu jaho kampanij, u tym liku «BiełKazTrans», to prostaje pierapisvańnie ŭładalnikaŭ pracavać pierastała. Tady ŭ vieraśni 2021 hoda źjaviłasia TAA «Łahistyk Enerdžy» — anałah «BiełKazTransa», jaki zarehistravany pa tym ža samym adrasie ŭ Minsku (pr. Pieramožcaŭ, 116) i zajmajecca tym ža samym biznesam.
U rejtynhu biełaruskich transpartna-łahistyčnych kampanij za 2022 hod pavodle abjomu akazanych łahistyčnych i transpartna-ekśpiedycyjnych pasłuh «Łahistyk Enerdžy» znachodziłasia ŭžo na 3-m miescy, a «BiełKazTrans» usiaho tolki na 33-m.
TAA «Łahistyk Enerdžy» zarehistravała i źjaŭlajecca jaje 100% uładalnicaj Neli Barysaŭna Malarova, jana ž supracoŭnica «BiełKazTrans» Neli Pankratava. Na momant stvareńnia hetaha biznesu, jaki nieŭzabavie staŭ najbujniejšym u Biełarusi, dziaŭčynie było ŭsiaho 25 hadoŭ, i pra jaje biznes-talenty nikomu nie było viadoma.
Ciapier čytajuć
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary