U Vilejskim rajonie pjanaha šumachiera spyniali sa stralboj. Dahnali i ŭlapili hihancki štraf
Pry zatrymańni pjanaha biaspraŭnika inśpiektaram daviałosia ŭžyć tabielnuju zbroju.
U Vilejskim rajonie nazirali pahoniu. Kala 20:00 pilnyja miascovyja žychary paviedamili ŭ DAI pra aŭtamabil Toyota, jakim kiravaŭ niećviarozy mužčyna, paviedamlaje pres-słužba milicyi.
Inśpiektary chutka vyjavili aŭtamabil. Na sihnał ab spynieńni kiroŭca adreahavaŭ dziŭna: paškodziŭ słužbovaje aŭto i praciahnuŭ ruch. Pačałasia pahonia.
Parušalnik nie padparadkoŭvaŭsia patrabavańniam milicyjantaŭ, vichlaŭ z boku ŭ bok, stvaraŭ pahrozu biaśpiecy dla inšych udzielnikaŭ ruchu.
Tady inśpiektar vyrašyŭ vykarystać tabielnuju zbroju. Jon zrabiŭ dva papieradžalnyja streły ŭ pavietra i niekalki prycelnych. U vyniku, paśla paškodžańnia koła, šumachier spyniŭsia.
Kali 37-hadovaha kiroŭcu zatrymali, vyśvietliłasia, što ŭ jaho amal dva pramile ałkaholu ŭ kryvi. Da taho ž lichač, jaki nikoli nie mieŭ paśviedčańnia kiroŭcy, raniej pryciahvaŭsia da administracyjnaj adkaznaści za jazdu ŭ niećviarozym stanie.
Paśla składańnia dzieviaci pratakołaŭ kiroŭcu źmiaścili ŭ izalatar časovaha ŭtrymańnia. Štraf 200 bazavych vieličyń (8000 rubloŭ) — taki vynik aŭtamabilnaha zajezdu ŭ stanie ałkaholnaha apjanieńnia.
Kamientary