Siabry biełaruski Hanny, jakaja zahinuła na Bali, raskazali pra jaje i pra avaryju
Na vostravie Bali pamierła 23-hadovaja biełaruska. Dziaŭčyna jechała na skutary i trapiła ŭ DTZ — jaje padrezaŭ aŭtobus, u vyniku biełaruska zahinuła na miescy zdareńnia. My daviedalisia, chto jana.
Hanna Šapialevič vučyłasia ŭ Varšavie, paśla hetaha naviedała Kitaj, kab adpačyć. Čatyry miesiacy tamu Hanna prylacieła na Bali ź blizkaj siabroŭkaj, znajšła pracu ryełtarkaj i vyrašyła zastacca na vostravie. Dla žyćcia biełaruska vybrała napaŭviaskovy rajon Čanhu, papularny siarod ekspataŭ.
Siabroŭka Hanny raspaviała «Našaj Nivie» abstaviny zdareńnia. Pavodle jaje słoŭ, rankam 25 krasavika Hanna vyjechała na skutary Yamaha N-Max u mihracyjnuju słužbu, kab padoŭžyć vizu. Na kamierach videanazirańnia vidać, što padčas jaje ruchu sprava ad skutara dziaŭčyny źjaviŭsia aŭtobus.
Hanna jechała na nievialikaj chutkaści, była ŭ šlemie. U horadzie Denpasar, kala miascovaj pratestanckaj carkvy, aŭtobus vyrašyŭ jaje pierahnać i začapiŭ skutar. Dziaŭčyna apynułasia pad kołami. Ad udaru šlem adlacieŭ, i jana atrymała ciažkuju čerapna-mazhavuju traŭmu, z-za jakoj pamierła na miescy zdareńnia.
Palicyja pakul jašče rasśleduje zdareńnie. Jak kaža siabroŭka Hanny, u trahiedyi vinavaty, chutčej za ŭsio, kiroŭca aŭtobusa.
Ciapier blizkija Hanny žadajuć pieravieźci cieła biełaruski na radzimu. Dla hetaha jany abviaścili zbor hrošaŭ, paŭdzielničać u im možna tut.
«Naša Niva» — bastyjon biełaruščyny
PADTRYMAĆČytajcie taksama:
«Dzień maŭčańnia, žyllo ŭ hiestchausie». Jak miedyk ź Viciebska stvaryŭ na Bali anałah 103.by
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary