Hramadstva33

Stalinist z Tałačynskaha rajona aburyŭsia praktykaj, za jakuju ŭ Biełarusi asudzili tysiačy čałaviek

Prosta jon upieršyniu trapiŭ u hetyja žorny sam.

Mikałaj Pietrušenka

Adstaŭny pałkoŭnik, eks-deputat Viarchoŭnaha Savieta SSSR Mikałaj Pietrušenka padrabiazna raspavioŭ, što adbyłosia ź im u apošnija dni, zaŭvažyŭ kanał «Vitiebsk, ja hulaju». Akazałasia, što jaho sudzili za publikacyi va Ukantakcie, jakija źmiaščajuć spasyłki na tak zvanyja ekstremisckija miedyja. 

Pietrušenku sudzili za publikacyju 2017 hoda. Partał tut.by napisaŭ pra spabornictvy, u jakich udzielničali syn z unukami Pietrušenki. Adstaŭny pałkoŭnik dumaŭ, što lohka dakaža ŭ sudzie absurdnaść abvinavačańniaŭ. Ale ŭsio akazałasia nie tak prosta. 

Pietrušenka davodzić, što na momant publikacyi i potym jašče bolš za 4 hady tut.by nie zjaŭlaŭsia ekstremisckim. 

«Tałačynski RAUS nie moža ciapier dziejny artykuł 19.11 č. 2 Administracyjnaha kodeksa, u častcy adkaznaści za raspaŭsiudžvańnie infarmacyjnaj pradukcyi, uniesienaj u respublikanski śpis ekstremisckaj litaratury, raspaŭsiudžvać na adnosiny, jakija isnavali na momant maich publikacyj.

U źmieście apublikavanych mnoju materyjałaŭ niama zaklikaŭ da ekstremisckich dziejańniaŭ. Jany nie prapahandujuć takuju ​​dziejnaść, a značyć, niama padstavaŭ dla pryciahnieńnia mianie da adkaznaści pa artykule 19.11 č. 2 Administracyjnaha kodeksu RB», — piša jon. 

Pietrušenka piša, što raspaŭsiudžanyja im infarmacyjnyja materyjały nielha ličyć «ekstremisckimi», bo «ekstremisckija materyjały — heta infarmacyja, pryznačanaja dla publičnaj demanstracyi ŭ metach uciahvańnia ŭ ekstremisckuju dziejnaść i jaje prapahandy i pryznanaja ekstremisckim materyjałam rašeńniem suda». 

«Ja takich met nie staviŭ! Padrychtavanyja mnoju infarmacyjnyja materyjały na zaklučeńnie ekśpiertaŭ nie vynosilisia, u sudzie jany nie pryznanyja ekstremisckimi, ich źmiest navat uskosna nie moža vykarystoŭvacca ŭ ekstremisckich metach», — piša jon. 

«Supracoŭniki RAUS majuć prava šukać dokazy majoj viny ŭ źmieście maich publikacyj, ale jany nie majuć prava hurtam abjaŭlać ekstremisckimi ŭsio raniej apublikavanaje na ciapier zabaronienych sajtach. U krainie i biez hetaha vyjaŭlena i pryznana sudami dastatkovaja kolkaść ekstremisckich publikacyj, pieralik jakich składaje toŭsty tom z 1300 staronak», — aburajecca jon. 

Vyhladaje, što Pietrušenka nie viedaŭ, što ŭ Tałačynie za minuły hod nie mienš za 2 dziasiatki čałaviek sudzili mienavita pa hetych ža samych padstavach. «Voś što byvaje, kali stalinizm niečakana prychodzić da stalinista, — piša kanał «Vitiebsk, ja hulaju».

Mužčyna nieŭzabavie paśla suda vyrašyŭ vydalić svaje sacsietki i prainfarmavaŭ pra heta namieśnika kiraŭnika Administracyi Łukašenki: maŭlaŭ, radziejuć kanapnyja vojski, što za vas zmahajucca, prymicie miery. 

Sud u adnosinach da Pietrušenki pakul ničym nie skončyŭsia — spravu viarnuli ŭ RAUS na dapracoŭku.

Kamientary3

  • Ciu
    30.04.2024
    «Voś što byvaje, kali stalinizm niečakana prychodzić da stalinista».
  • Dołoj utopiju
    30.04.2024
    Stalinist- kommunist vystupajet protiv diktatury i rieprieśsivnoho prieśledovanija za vzhlady. Kohda samoho priŝiemili. A rańšie čto nie vystupał za diemokratiju, a za sovietskuju utopiju. A potomu čto nie umien był. Zašorien dohmami. Jeŝio raz podtvierždajetsia: obrazovanije i profieśsija uma nie dajut. A on k tomu žie był politrabotnik v SA.
  • Jadviha
    30.04.2024
    Tak i nado etomu starpieru
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje16

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje

Usie naviny →
Usie naviny

Popyt na naftu i vuhal dasiahnie piku ŭ 2030-m i pačnie spadać4

Śviatłana Cichanoŭskaja ŭpieršyniu vystupić na hałoŭnaj scenie Miunchienskaj kanfierencyi pa biaśpiecy12

Nabližany da siłavikoŭ kanał raskazaŭ, što ŭnačy ŭzarvałasia nad Homielem1

«Mianie prosta vyvieźli na miažu». Prarasijskaha błohiera amal na miesiac zakryli ŭ izalatar, a paśla vykinuli ź Biełarusi6

U Chojnikach adkryli pamiatny znak u honar Ivana Mieleža. Na ruskaj movie10

«Horš za Miunchien». Reakcyja jeŭrapiejskich palitykaŭ na zajavy Trampa ab pieramovach z Pucinym75

Nie restaŭracyja, a paśmiešyšča. U Ružanach «zarestaŭravali» rezidencyju Sapiehaŭ13

Siadzieńni ŭ samalotach stanuć dvuchpaviarchovymi? Airbus stvaraje inavacyjny dyzajn13

Štości ŭzarvałasia nad Homielem. Mahčyma, čarhovy rasijski šachied źbiŭsia z darohi8

bolš čytanych navin
bolš łajkanych navin

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje16

«Vy pavinny skazać, jaki drenny Sańnikaŭ». Šarenda-Panasiuk — pra toje, jak prapahandysty z BT zapisvali film pra jaje

Hałoŭnaje
Usie naviny →

Zaŭvaha:

 

 

 

 

Zakryć Paviedamić